ENGLISH

04 އޭޕްރީލު 2025

Advertisement

ކުރީ ސަރުކާރުތަކުގެ ދަރަނި ދެއްކުމަށް ކުރަންޖެހޭ ޚަރަދު 187 އިންސައްތަ މައްޗަށް

26 މާރިޗު 2025

|

ޝިފްޒާން އަޙްމަދު

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، ފޮޓޯ: ރައީސް އޮފީސް

ކުރީ ސަރުކާރުތަކުން ނަގާފައިވާ ދަރަނިތައް އަދާކުރުމަށް މި އަހަރުގެ މިހާތަނަށް ޚަރަދުކުރަންޖެހުނު މިންވަރު ފާއިތުވި އަހަރުގެ އެ މުއްދަތުގައި ޚަރަދުކުރަންޖެހުނު މިންވަރަށްވުރެ 187 އިންސައްތަ އިތުރުވެފައިވާކަން މާލީ ވުޒާރާގެ ހިސާބުތަކުން ދައްކައިފިއެވެ. 

މާލީ ވުޒާރާއިން މި މަހުގެ 24 ވަނަ ދުވަހު އާއްމުކޮށްފައިވާ ދައުލަތުގެ އާމްދަނީއާއި ހަރަދުތަކުގެ ތަފުސީލީ ހިސާބުތަކަށް ބަލާއިރު ފާއިތުވި 2024 ވަނަ އަހަރުގެ ޖަނަވަރީ އެއްވަނަ ދުވަހުން މާޗު މަހުގެ 13 ވަނަ ދުވަހާ ހަމައަށް ދަރަނި އަނބުރާ ދެއްކުމަށް ހަރަަދުކޮށްފައިވަނީ 833.3 މިލިއަން ރުފިޔާއެވެ. 

މާލީ ވުޒާރާގެ ހިސާބުތައް ދައްކާ ގޮތުން މި އަހަރުގެ އެ މުއްދަތުގައި ދަރަނި އަނބުރާ ދެއްކުމަށް ކުރަންޖެހުނު ހަރަދު 187 އިންސައްތަ އިތުރުވެފައިވެއެވެ. އެގޮތުން މި އަހަރުގެ އެ މުއްދަތުގައި 2،399.5 މިލިއަން (2.3 ބިލިއަން) ރުފިޔާ ލޯނު އަނބުރާ ދެއްކުމަށް ހަރަދުކުރަންޖެހުނެވެ. 

ލޯނު އަނބުރާ ދެއްކުމުގެ ހަރަދު ވަރަށް ބޮޑަށް އިތުރުވި ނަމަވެސް ސަރުކާރުން ހަރަދު ކުޑަކުރުމަށް އަޅާފައިވާ ފިޔަވަޅުތަކުގެ ސަބަބުން ދައުލަތުގެ ޖުމްލަ ހަރަދުތައް 17.02 އިންސައްތަ ދަށަށް ގޮސްފައިވާކަމަށް މާލީ ހިސާބުތަކުން ދައްކައެވެ. 

އެގޮތުން ނިމުނު އަހަރުގެ މާޗު މަހުގެ 13 ވަނަ ދުވަހާ ހަމައަށް 7.8 ބިލިއަން ރުފިޔާ ހަރަދުވިއިރު މި އަހަރު އެ އަދަދުވަނީ 6.5 ބިލިއަން ރުފިޔާއަށް ދަށްވެފައެވެ. 

ދައުލަތުގެ ހަރަދުތައް ވަރަށް ބޮޑަށް ކުޑަކުރެވުމުގެ ސަބަބުން ދައުލަތުގެ ބަޖެޓު މިހާތަނަށް ޑެފިސިޓުނުވެއެވެ. އަދި މިހާތަނަށް ދައުލަތުގެ ހުރިހާ ހަރަދެއް ލިބުނު އާމްދަނީ ކެނޑުމުން އަރަނީގެ ގޮތުގައި 1.3 ބިލިއަން ރުފިޔާ ރެކޯޑުކުރެވިފައިވެއެވެ. 

ފާއިތުވި އަހަރުގެ އެ މުއްދަތުގައި ދައުލަތުގެ ހަރަދު ލިބުނު އާމްދަނީއަށްވުރެ  އިތުރުވެ ބަޖެޓު 414.8 ބިލިއަން ރުފިޔާއިން ދަރަނިވެރިވިއެވެ. 

ސަރުކާރުން އަންނަނީ ކުރީގެ ސަރުކާރުތަކުން ނަގާފައިވާ ބޮޑެތި ދަރަނިތައް އަދާކުރަންޖެހޭ މުއްދަތުގައި އަދާކުރަމުންނެވެ. އަދި ރާއްޖެއިން އަދާކުރަންޖެހޭ މާލީ އިލްތިޒާމެއް އަދާނުކުރެވި ދިވެހިރާއްޖެ ބަނގުރޫޓުވެދާނެކަމަށް އިދިކޮޅު ފަރާތްތަކުން ވާހަކަދައްކަމުން ދިޔަ ނަމަވެސް ސަރުކާރުން ގެންދަނީ އެ އިލްތިޒާމުތައް އަދާކޮށް ރާއްޖޭގެ މާލީ ހާލަތާމެދު ބައިނަލްއަގުވާމީ މުޖުތަމައުގެ އިތުބާރު ނަގަހައްޓަމުންނެވެ. 

ކިޔުންތެރިންގެ ހިޔާލު