ENGLISH

04 އޭޕްރީލު 2025

Advertisement

ޙާފިޒުންނަށް ޚާއްސަ ގައުނާއި ތާކިހާ: އިސްލާމީވަންތަކާއި ދިވެހި ސަޤާފަތް ދައްކުވައިދޭ، ވަރަށް ރީތި

26 މާރިޗު 2025

|

އަޙުމަދު ޙަމީދު

ޙާފިޒުންގެ ދަސްވެނިވުމުގެ ޙަފްލާ ގައި ބޭނުންކުރާ ގައުނު އަދި ތާކިހާ -- ފޮޓޯ: އިސްލާމިކް މިނިސްޓްރީ

ޙާފިޒުންގެ ދަސްވެނިވުމުގެ ޙަފްލާ ގައި ބޭނުންކުރާ ގައުނު އަދި ތާކިހާ ދައްކާލައިފި އެވެ.

ކީރިތި ގުރުއާން ހިތުދަސްކުރާ ހާފިޒުންނަށް، ހާފިޒުކަމުގެ ސަނަދު އެރުވުމަށް މުޅިން އަލަށް ބާއްވާ ހާފިޒުންގެ ދަސްވެނިވުމުގެ ޝަރަފްވެރި ޖަލްސާ މިރޭ އޮންނާނެ އެވެ.

ޒަމާނުއްސުރެން ފެށިގެން ހާފިޒުންގެ ގްރެޖުއޭޝަން އަދި ގައުމީ ޤުރްއާން މުބާރާތް ނިމުމުގެ ހަފުލާ ބާއްވަނީ އެކީގައެވެ. ނަމަވެސް ހާފިޒުން ދަސްވެނިވުމުގެ ހަފުލާ ދެން ބާއްވާނީ ވަކިން ކުލަގަދަކޮށް ބާއްވާ ގައުމީ ފެންވަރުގެ ހަފުލާއެއް ގޮތަށް ކަމަށް، އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އިޢުލާނު ކުރެއްވީ މިދިޔަ އަހަރުގެ ޖުލައި މަހުގަ އެވެ.

ހާފިޒުންނަށް ހާއްސަ ގައުނު 

އަދި ކީރިތި ޤުރުއާާން ހިތުން ދަސްކޮށް ޙާފިޒަކަށްވާ މީހުން ދަސްވެނިވާ ޙަފްލާ ގައި ލާނެ ގައުނާއި ޙާފިޒުންނަށް ޚާއްސަ ތާކިހަލެއް ވަނީ ފަރުމާކޮށްފަ އެވެ.

މިނިސްޓަރު ޝަހީމް މިއަދު ވަނީ ޙާފިޒުންގެ ދަސްވެނިވުމުގެ ޙަފްލާ ގައި ބޭނުންކުރާ ގައުނު އަދި ތާކިހާ ދައްކާލާފަ އެވެ.

މިނިސްޓަރު ވިދާޅުވި ގޮތުގައި މި ގައުނާއި ތާކިހާ ތައްޔާރު ކޮށްފައިވަނީ ދިވެހިންގެ ދީނީ ޢަޤީދާ އާއި ދިވެހީންގެ މެދުގައިވާ އިސްލާމީ އުޚުއްވަތްތެރިކަމާއި ޤުރްއާންގެ ޢިލްމުގެ ކުރިބޯށިކަމުގައިވާ މާލޭ ހުކުރުމިސްކިތުގައިވާ އިސްލާމީވަންތަ ކުރެހުންތައް އަޞްލަކަށް ބަލައިގެން ދިވެހި ސަޤާފަތާއި ތާރީޚާއި ޢިލްމީ ޙަޟާރަތު ރަމްޒުވާ ގޮތަށެވެ. 

ހާފިޒުންނަށް ހާއްސަ ގައުނު 

ގައުނާއި ތާކިހާ ވެސް ވަރަށް ހިތްގައިމެވެ. ގައުނާއި ތާކިހާގައި ވެސް ވަނީ ދިވެހީންގެ ފަންނުވެރިކަމާއި ހުނަރުވެރިކަން ދައްކައިދޭ އިސްލާމީ ރީތި ކުރެހުމެއް އަޅާފަ އެވެ.

މިނިސްޓަރު މިއަދު ވިދާޅުވި ގޮތުގައި ކީރިތި ގުރުއާން ހިތު ދަސްކޮށްގެން ހާފިޒު ކަމުގެ ސަނަދު ހާސިލުކުރާ މީހުންގެ އަދަދު އަހަރުން އަހަރަށް އިތުރުވަމުންދާއިރު ދެ ހަފުލާ އެއްކޮށްގެން ގެންދިއުމަކީ އެއްވެސް ހަރަކާތަކަށް ދޭން ޖެހޭ ހައްގު ގަދަރު ނުދެވި ދާ ކަމެއް ކަމެވެ.

ހާފިޒުންނަށް ހާއްސަ ގައުނު 

އެހެންކަމުން ގުރުއާން ހިތުދަސްކުރާ ފަރާތްތައް ދަސްވެނިވުމަށް ކޮންމެ އަހަރަކު ހާއްސަ ހަފްލާއެއް ބާއްވަން ނިންމާ  މި ހަފްލާ ކޮންމެ އަހަރެެއްގެ ރަމަޟާން މަހުގެ 27 ވިލޭރޭ ބާއްވަން ނިންމާި ކަމަށެވެ.

މުޅިން އަލަށް ބާއްވާ ހާފިޒުންގެ ދަސްވެނިވުމުގެ ޖަލްސާއަކީ ކީރިތި ގުރުއާން ހިތުދަސްކުރާ ފަރާތްތަކުގެ އަގުވަޒަންކޮށް، ޝަރަފްވެރިކަމާއެކު ސަނަދު އެރުވުމަށް ސަރުކާރުން ބާއްވާ ޖަލްސާއެކެވެ. މިރޭގެ ހާއްސަ ޖަލްސާގައި 24 ހާފިޒަކަށް ހާފިޒުކަމުގެ ސަނަދު އަރުވާ ގޮތަށް ވަނީ ހަމަޖެހިފައެވެ.

ކިޔުންތެރިންގެ ހިޔާލު