ENGLISH

04 އޭޕްރީލު 2025

Advertisement

ސޯޝަލް މީޑިއާ ބޭނުންކުރާއިރު ސަމާލުވޭ! ފޭސްބުކް އަދި ވައިބާ ސްކޭމްތައް އިތުރުވަނީ

26 މާރިޗު 2025

|

ޝާމަ ޝުޢައިބު

ސްކޭމް ތަކަށް ސަމާލުވުމަށް އަނެއްކާވެސް އެދިއްޖެ - ފޮޓޯ: ހޯމް މިނިސްޓްރީ

އޯޓީޕީ އޮތަންޓިކޭޝަންގެ ބަދަލުގައި އިތުރު އޮތަންޓިކޭޝަން މެތަޑެއް ތަޢާރަފްވެފައިވާކަން ހާމަކޮށް ސްކޭމްތަކަށް ސަމާލުވުމަށް ފުލުހުންގެ ސައިބަރ ކްރައިމް ޑިޕާޓްމަންޓުން އިލްތިމާސްކޮށްފިއެވެ. 

އެ ޑިޕާޓްމަންޓުން ބުނީ އޯޓީޕީގެ ބަދަލުގައި ފްލޭޝް ކޯލްސް ތަޢާރަފްވެފައިވާއިރު ގިނަ ކުންފުނިތަކުން މި އޮތަންޓިކޭޝަން މެތަޑަށް ކަސްޓަމަރ އޮތަންޓިކޭޝަން ބަދަލުކުރަމުންދާ ކަމަށެވެ. 

ނަމަވެސް ފްލޭޝް ކޯލްސްއަކީ ކީއްކުރާ، ކޮންގޮތަކަށް މަސައްކަތްކުރާ އެއްޗެއްކަން ގިނަ ބަޔަކަށް ނޭނގުމުގެ ސަބަބުން ފްލޭޝް ކޯލް ސްކޭމްގެ ޝިކާރައަށް ވަމުންދާ މީހުންގެ އަދަދު ގިނަ ވަމުންދާ ކަމަށް ފުލުހުން ބުނެއެވެ. 

މިކަން ހާމަކޮށް ފުލުހުން ބުނީ ވައިބަރ ހެކްކޮށްގެން ފައިސާ ހޯދާ މައްސަލަތައް ވެސް އިތުރުވަމުންދާ ކަމަށެވެ. ފައިސާ ފޮނުވުމުގެ ކުރިން ކާކުތޯ ޔަގީންކުރުމަށް އެދި ފުލުހުން ވަނީ އޯޓީޕީ ކޯޑު އެއްވެސް ފަރާތަކާ ހިއްސާ ނުކުރުމަށް  އެދިފައެވެ.

މީގެ އިތުރުން ފޭސްބުކް މާކެޓްޕްލޭސްގައި ހިންގާ ސްކޭމްތަކަށް ސަމާލުވުމަށް ވެސް އެދިފައިވެއެވެ. ޝައްކު އުފެދޭ ޕޯސްޓްތަކަށް ސަމާލުވުމުގެ ގޮތުން ލިސްޓް ކޮށްފައިވާ އެއްޗެއް އަގުހެޔޮ ކަމަށް ފެނުނަސް އެ އެއްޗެއް ގަތުމުގެ ކުރިން އިތުރަށް ދިރާސާ ކުރުމަށް ސައިބަރ ކްރައިމް ސެންޓަރުން އެދިފައިވެއެވެ. އަދި ސްކޭމް ކުރާ މީހުންގެ ފޭކް މާކެޓްޕްލޭސް ޕްރޮފައިލް ތަކުގައި ހާމަކޮށްފަ ހުންނަ މައުލޫމާތު މަދުނަމަ ނުވަތަ އައު ޕްރޮފައިލެއް ނަމަ އިތުރަށް ޔަގީން ކުރަންވާނެ ކަމަށް ފުލުހުން ބުންޏެވެ. 

އިތުބާރު ކުރެވޭ ގޮތަށް މުދާ ވިއްކާ ފަރާތެއްނަމަ ކޭޝް އޮން ޑެލިވަރީ އިހުތިޔާރު ކުރުމަށް އިލްތިމާސްކުރުމާއެކު، ސައިބަރ ކްރިމް ސެންޓަރުން ވަނީ މިގޮތަށް ކަންތައް ކުރުމުން މުދާ އަތަށް ލިބި އިތުރަށް ބަލަން ފުރުސަތު ލިބިގެންދާނެ ކަން ފާހަގަކޮށްފައެވެ. އަދި ދެ ފަރާތުގެ ރުހުމާއި އެކު ވިޔަފާރި ފުރިހަމަކުރުމަށް ވެސް ފުލުހުން އިލްތިމާސްކޮށްފައިވެއެވެ. 

ސްކޭމް މައްސަލަތައް ރިޕޯޓްކުރުމަށް ޚާއްސަ ކޯލް ސެންޓަރެއް ގާއިމްކޮށްފައިވާއިރު ރާއްޖޭގެ ހުރިހާ ސަރަހައްދެއްގައި ހިންގާ ސްކޭމް މައްސަލަތަކާ ގުޅިގެން އަޅަންޖެހޭ ހުރިހާ ފިޔަވަޅުތައް އެޅުމާއި އެހެން އިދާރާތާކާއެކު ކުރަންޖެހޭ މުޢާމަލާތްތައް މަރުކަޒީ ގޮތެއްގައި ބަލަހައްޓާނީ އެންޓި ސްކޭމް ސެންޓަރުންނެވެ.

މިކޯލް ސެންޓަރަށް މައްސަލައެއް ރިޕޯޓްކުރާ ހިސާބުން ފެށިގެން މާލީ އިދާރާތަކާ ގުޅިގެން އަޅަންޖެހޭ ފިޔަވަޅުތައް އެޅުމާއި އެއިދާރާތަކުން ލިބެންޖެހޭ މަޢުލޫމާތު ހޯދުމުގެ މަސައްކަތް ކުރިއަށް ގެންދާނީ އެންޓި ސްކޭމް ސެންޓަރުންނެވެ.

ކިޔުންތެރިންގެ ހިޔާލު