ENGLISH
04 އޭޕްރީލު 2025
ރާއްޖެ ޓީވީގެ ޕްރޮގްރާމްގައި ވަނީ ނުކުޅެދުންތެރިކަން ހުންނަ މީހުންނަށް ކުޑައިމީސްކޮށް އެއީ ދަށް ބައެއްގެ ގޮތަށް ދެކި، މަލާމާތްކޮށްފައި: އެޗްއާރްސީއެމް
26 މާރިޗު 2025
|
އެޗްއާރުސީއެމް
އެންމެ މަޤްބޫލު
ރާއްޖެ ޓީވީގެ ޕްރޮގްރާމްގައި، ނުކުޅެދުންތެރިކަން ހުންނަ މީހުންނަށް ކުޑައިމީސްކޮށް އެއީ ދަށް ބައެއްގެ ގޮތަށް ދެކި، މަލާމާތް ކުރި މައްސަލަ ހިއުމަން ރައިޓްސް ކޮމިޝަން (އެޗްއާރްސީއެމް) އިން ކުށްވެރި ކޮށްފި އެވެ.
ޕްރެޒެންޓާރ ހުސައިން ރަމީޒު ހުށަހަޅައިދިން އެ ޕްރޮގްރާމްގައި ވާހަކަ ދެއްކީ ކުރީގެ ކާނަލް އަހުމަދު ފަޔާޒް އަލީ (ޕާޕާ ފަޔާޒް) އާއި ރައްޔިތުންގެ މަޖިލީހުގެ ނޮޅިވަރަމް ދާއިރާގެ ކުރީގެ މެމްބަރު މުހައްމަދު ނަޝީދު އަބްދުﷲ (މޮސްޓާ) އެވެ.
ޕާޕާ ވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒަށް ފާޑު ވިދާޅުވުމަށް އޯޓިސްޓިކް ކުދިންގެ ކަރާމަތަށް އުނިކަން ލިބޭގޮތަށް ވާހަަކަ ދައްކާފައެެވެ. އެ ވާހަކައަށް ހިތްވަރު ދެއްވަމުން މޮސްޓާ ވަނީ ޑައުންސިންޑްރޮމް ހުންނަ ކުދިންނަށް ވެސް ފުރައްސާރަކޮށްފައެވެ.
މަޖާކަމަކަމަށް ހަދައި ތިން ހޯސްޓުން ޕްރޮގްރާމްގައި އެ ކުދިންނަށް މަލާމާތްކޮށް ފުރައްސާރަކުުމުން މީސްމީޑިޔާގައި ގިނަ ބަޔަކު އަންނަނީ އެކަން ކުށްވެރިކޮށް ފާޑުކިޔަމުންނެވެ.
އެކަމާއި ގުޅިގެން އެޗްއާރުސީއެމުން ނެރުނު ބަޔާނެއްގައި ބުނީ ރާއްޖެ ޓީވީގެ ”ކާލާ ބައިސާ“ ޕްރޮގްރާމްގައި ނުކުޅެދުންތެރިކަން ހުންނަ ފަރާތްތަކަށް ކުޑައިމީސްކޮށް ނުކުޅެދުންތެރިކަން ހުންނަ ފަރާތްތަކަކީ ދަށް ބައެއްގެ ގޮތަށް އަދި މަލާމާތް ރައްދުވާ މޭރުމަކުން ވާހަކަދައްކާފައިވާތީ އެކަން އެ ކޮމިޝަނުން ކުށްވެރިކުރާ ކަމަށެވެ.
އަދި މުޖުތަމައުގެ އެހެންމީހުންނެކޭ އެއްގޮތަށް ނުކުޅެދުންތެރިކަން ހުންނަ ފަރާތްތަކަށްވެސް އިންސާނީ ހައްޤުތައް އެއްހަމައެއްގައި ލިބިދީފައިވާކަން ހަނދާން ކޮށްދީފައިވެ އެވެ.
އަދި ބުނީ ކޮންމެ މީހަކަށްވެސް އަބުރުވެރިކަމާ ކަރާމާތްތެރިކަމާއެކު ދިރިއުޅުމުގެ ހައްޤު ލިބިދީފައިވާ ކަމަށެވެ.
އެހެންކަމުން، މިފަދަ އަމަލުތައް ނުކުރުމަށާއި އަދި މީޑިއާތަކުން ގެނެސްދޭ މަންޒަރާއި އަޑު އަދި މައުލޫމާތު ގެނެސްދިނުމުގައި މުޖުތަމައުގެ އެއްވެސް ފަރުދެއްގެ އިންސާނީ ހަައްޤާއި އިންސާނީ ކަރާމާތަށް އުނިކަން ނާންނާނެފަދަ ގޮތަކަށް ގެނެސްދިނުމަށް ސަމާލުކަން ދިނުމަށް ކޮމިޝަނުން ހުރިހާ މީޑިއާތަކަށް ވަނީ އިލްތިމާސްކޮށްފަ އެވެ.
އަދި މިފަދަ މައްސަލަތައް ބެލުމަށް ކަމާގުޅުންހުރި އިދާރާތަކަށް ގޮވާލާ ކަމަށް ވަނީ ބުނެފަ އެވެ.