މިހާރު ކުރިއަށްދާ އެފްއޭއެމް ވެޓެރަންސް ލީގުގެ ފައިނަލުގެ ފަހު ޖާގަ ހުޅުމާލެ ވެޓެރަންސް ހޯދައިފިއެވެ. 

މިއަދު ހަވީރު މާފަންނު ޓާފް ދަނޑުގައި ކުޅުނު ސެމީ ފައިނަލުގައި ދެވަނަ މެޗުން ހުޅުމާލެ ވެޓެރަންސް މޮޅުވީ މުއިވެޔޮ ފްރެންޑްސްއާ ވާދަކޮށް 2-1 އިންނެވެ. 

މުއިވެޔޮ ފްރެންޑްސްއަކީ ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް ކުޅުއްވާ ކްލަބެވެ. 

މިއަދުގެ މެޗުގައި ލީޑު ނެގީ މުއިވެޔޮ ފްރެންޑްސް އިންނެވެ. ހުޅުމާލެ ވެޓެރަންސް ކްލަބުން ނަތީޖާ އަނބުރާލީ ފަހަތުން އަރައި ޖެހި ގޯލުތަކުންނެވެ. މެޗުގެ މޮޅު ކުޅުންތެރިޔާގެ މަގާމް ހޯދީ ހުޅުމާލެ ވެޓަރަންސްގެ ހުސެއިން ޝިމާޒް (ކޮކީ) އެވެ.

މުބާރާތުގެ ފައިނަލުގެ ފުރަތަމަ ޖާގަ ހޯދީ ވިލިމާލެ ޔުނައިޓެޑެވެ. ވިލިމާލެ ފައިނަލަށް ދަތުރުކުރީ ޕޮލިސް ކްލަބާ ވާދަކޮށް ޕެނަލްޓީ ޖަހައިގެން މޮޅުވެގެންނެވެ. 

ވިލިމާލެ ޔުނައިޓެޑާ ހުޅުމާލެ ވެޓެރަންސް ކްލަބް ވާދަކުރާ ފައިނަލް މެޗު ކުޅޭނީ މި މަހުގެ 27 ވަނަ ދުވަހުގެ ހަވީރުއެވެ.