ދެހާސް ހަތާވީސް ވަނަ އަހަރު ސަޢޫދީ އަރަބިއްޔާގައި ބާއްވާ އޭޝިއަން ކަޕަށް ކޮލިފައިވުމަށް ކުޅުނު ފުރަތަމަ މެޗުގައި މިއަދު ހަވީރު ފިލިޕީންސް އަތުން 4-1 އިން ރާއްޖޭގެ ގައުމީ ފުޓްބޯޅަ ޓީމު ބަލިވެއްޖެއެވެ.

މެނީލާގެ ނިއު ކްލާކް ސިޓީ އެތުލެޓިކް ސްޓޭޑިއަމްގައި ކުޅުނު މެޗުގައި ފިލިޕީންސް އިން ވަނީ ކޮންމެ ހާފެއްގައި ދެ ލަނޑު ޖަހައިފައެވެ.

މި މެޗުގައި ފިލިޕީންސްގެ ލަނޑުތައް ޖަހައިދިނީ ޖެފަސަން ޓަބީނާސް، ބްޔޯނާ ކްރިސްޓެންސަން، ރޭންޑީ ޝްނެއިޑާ އާއި ސެންޑްރޯ ރެޔޭސް އެވެ.

ރާއްޖޭގެ ހަމައެކަނި ލަނޑު ޖެހީ އަލީ ފާސިރު އެވެ.

ކޮލިފައިންގައި ރާއްޖެ ދެން ކުޅޭ މެޗުގައި އަންނަ ޖޫން މަހުގެ 10 ވަނަ ދުވަހު ރަށުން ބޭރުގައި ނުކުންނާނީ އީސްޓް ޓިމޯއާ ދެކޮޅަށެވެ. ހަމަ އެދުވަހު ފިލިޕީންސް ބައްދަލުކުރާނީ ތަޖިކިސްތާނާ އެވެ.