ފިޠުރު ޢީދާ ގުޅިގެން ބްލަޑް ސަރވިސަސް (އެމްބީސީ)އިން ޚިދުމަތް ދޭނެ ގަޑިތައް އާންމުކޮށްފިއެވެ.

އެމްބީސީން އާންމުކުރި މައުލޫމާތަށް ބަލާއިރު މި މަހުގެ 31 ވަނަ ދުވަހަކީ ފިޠުރު ޢީދު ދުވަސްކަމަށް ވެއްޖެނަމަ އެދުވަހު އެ ޚިދުމަތް ބަންދުވާނެއެވެ. 

އޭޕްރިލް އެއް ވަނަ ދުވަހުން ފެށިގެން ހަ ވަނަ ދުވަހުގެ ނިޔަލަށް ހެނދުނު 8:00 އިން މެންދުރު ފަހު 2:00 އަށް އަދި ރޭގަނޑު 8:00 އިން ރޭގަނޑު 2:00 އަށް ޚިދުމަތް ދޭން ހަމަޖެހިފައިވާކަމަށް  އެމްބީސީ އިން ބުނެފައިވެއެވެ.

އެޕްރީލް 7 ވަނަ ދުވަހުން ފެށިގެން އާންމު ދުވަސްތަކެކޭ އެއްގޮތަށް ޚިދުމަތް ދޭން ފަށާނެކަމަށް ވެސް އެ އިދާރާ އިން ބުނެފައިވެއެވެ.

އެމްބީސީ އިން އިތުރަށް ބުނީ، މި މަހުގެ 30 ވަނަ ދުވަހަކީ ފިޠުރު ޢީދު ދުވަހަށް ވެއްޖެނަމަ، އެ ދުވަހަކީ ވެސް ބަންދު ދުވަހެއްގެ ގޮތުގައި ހަމަޖެހިގެންދާނެ ކަމަށެވެ.  އޭގެ ފަހުން އެޕްރީލް 5 ވަނަ ދުވަހުގެ ނިޔަލަށް އެ ގަޑިތަކުގައި ޚިދުމަތް ލިބެން ހުންނާނެކަމަށް އެމްބީސީ އިން ވަނީ ބުނެފައެވެ.