ENGLISH
04 އޭޕްރީލު 2025
ފޯރިގަދަވި މެޗުން ދިއްލީ މޮޅުވެއްޖެ
25 މާރިޗު 2025
|
ދިއްލީގެ އަޝުތޯޝް ޝަރްމާ (ކ) އުފާ ފާޅުކުރަނީ. --ފޮޓޯ: އޭޕީ
އެންމެ މަޤްބޫލު
އިންޑިއަން ޕްރިމިއަރ ލީގު (އައިޕީއެލް) ގައި ރޭ ކުޅުނު މެޗުގެ ފަހު އޯވަރުގައި ދިއްލީ ކެޕިޓަލްސް އިން ލަކްނޯ ސުޕަ ޖަޔަންޓްސް އަތުން މޮޅުވެއްޖެއެވެ.
ދިއްލީ އިން މި މެޗު ކާމިޔާބުކުރީ އެއް ވިކެޓުންނެވެ.
ވިސާކަޕަޓްނަމްގައި ކުޅުނު މެޗުގެ ޓޮސް ދިމާވުމުން ދިއްލީން ގަސްދުކުރީ ހޮވަން އަރާށެވެ. ލަކްނޯ އިން ކުޅެން އަރައި، 20 އޯވަރުގެ ތެރޭގައި 8 ވިކެޓަށް 209 ލަނޑުހެދިއެވެ.
ލަކްނޯ އިން އެންމެ ރަނގަޅަށް ކުޅުނީ ނިކޮލަސް ޕޫރާން އާއި މިޗޭލް މާޝް އެވެ. ޕޫރާން ވަނީ 30 ބޯޅައިން 75 ލަނޑު ހަދައިފައެވެ. މާޝް ވަނީ 36 ބޯޅައިން 72 ލަނޑު ހަދައިފައެވެ. ދިއްލީން އެންމެ މޮޅަށް އުކީ ތިން ވިކެޓްނެގި މިޗޭލް ސްޓާކް އެވެ.
ރައްދުގައި ކުޅެން އަރައި، ދިއްލީން މޮޅުވެގެން ފޭބީ، ބާކީ ތިން ބޯޅަ އޮއްވާ ނުވަ ކުޅުންތެރިން ނުބައިވެގެން 211 ލަނޑު ހަދައިގެންނެވެ. އެ ޓީމުން އެންމެ ރަނގަޅަށް ކުޅުނީ ނުބައިނުވެ 31 ބޯޅައިން 66 ލަނޑުހެދި އަޝުތޯޝް ޝަރްމާ އެވެ. މެޗުގެ މޮޅު ކުޅުންތެރިއަކަށް ހޮވުނީ ވެސް އޭނާ އެވެ.