ENGLISH
04 އޭޕްރީލު 2025
ހއ.ގެ ހުރިހާ ރަށެއްގައި އޭޓީއެމްގެ ހިދުމަތް އިފުތިތާހުކޮށްފި
24 މާރިޗު 2025
|
ހއ.ގެ ރަށެއްގައި ބީއެމްއެލް އޭޓީއެމްގެ ހިދުމަތް ފެށުން، ފޮޓޯ: ޕީއެސްއެމް
އެންމެ މަޤްބޫލު
ރައިސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅާ އެއްގޮތަށް، ހއ.ގެ ހަތް ރަށެއްގައި މިއަދު ބޭންކް އޮފް މޯލްޑިވްސް (ބީއެމްއެލް) އިން އޭޓީއެމްގެ ޚިދުމަތް ފަށައި އެ އަތޮޅުގެ ހުރިހާ ރަށެއްގައި އޭޓީއެމް ހިދުމަތް ގާއިމުކޮށްފިއެވެ.
ރައީސް މުއިއްޒު ވަނީ މި އަހަރު ނިމުމުގެ ކުރީން ރާއްޖޭގެ ހުރިހާ ރަށެއްގައި ބީއެމްއެލްގެ އޭޓީއެމް ބަހައްޓާ ޚިދުމަތް ފައްޓަވާނެ ކަމަށް މީގެކުރިން ވިދާޅުވެފައެވެ. އެ ވައުދުފުޅާ އެއްގޮތަށް ރަށްރަށުގައި އޭޓީއެމްގެ ޚިދުމަތް ގާއިމުކުރުމުގެ މަސައްކަތް ބީއެމްއެލްއިން ދަނީ ކުރަމުންނެވެ.
ރައީސްގެ އެ ވައުދުފުޅުގެ ދަށުން ވަނީ ހއ. އަތޮޅުގެ 7 ރަށެއްގައި އޭޓީއެމްގެ ޚިދުމަތް މިއަދު އިފްތިތާހުކޮށްފަ އެވެ. އެއީ:
އުތީމު
ތުރާކުނު
އުލިގަން
މޮޅަދޫ
މާރަންދޫ
ތަކަންދޫ
މުރައިދޫ
ޓޫރިޒަމް މިނިސްޓަރ އިބްރާހީމް ތޯރިގާއި އިކޮނޮމިކް މިނިސްޓަރ މުހައްމަދު ސައީދުވަނީ އެ ރަށްރަށަށް ޒިޔާރާތްކުރައްވައި އޭޓީއެމްގެ ޚިދުމަތް އިފްތިތާހުކޮށްދެއްވާފަ އެވެ.
ހއ. އަތޮޅުގެ މީހުން ދިރިއުޅޭ ހުރިހާ ރަށެއްގައި އޭޓީއެމް ގާއިމްކުރުމަށް ކުރިއަށްގެންދިޔަ މަޝްރޫއުގެ ދަށުން ހއ. އުތީމުގައި ބޭއްވި ރަސްމިއްޔާތުގައި ވާހަކަދައްކަވަމުން ބީއެމްއެލްގެ ސީއީއޯ މުޙައްމަދު ޝަރީފް ވިދާޅުވީ މިއަހަރު ނިމޭއިރު ރާއްޖޭގެ ހުރިހާ ރަށެއްގައި 250 އަށްވުރެ ގިނަ ސެލްފް ސާވިސް އޭޓީއެމް ގާއިމުކުރެވިގެންދާނެ ކަމަށެވެ.