ENGLISH

04 އޭޕްރީލު 2025

Advertisement

ބަންގުލަދޭޝްގެ ފަސް ހޮސްޕިޓަލަކުން އިންޓާންޝިޕް ފުރުސަތު، މެޑިސިން ދަރިވަރުންނަށް ބޮޑު ހައްލެއް

24 މާރިޗު 2025

|

ޝިފްޒާން އަޙްމަދު

ފޮޓޯ: ހެލްތު މިނިސްޓްރީ

މެޑިސިން ކިޔަވާ ދަރިވަރުންނަަށް އިންޓާންޝިޕް ފުރިހަަމަކުރުމުގައި ހުރި ދަތިތަކަަށް ހައްލު ހޯދައިދިނުމުގެ ގޮތުން ބަންގުލަދޭޝްގެ އިތުރު ފަސް ހޮސްޕިޓަލެއްގައި ދިވެހި ދަރިވަރުންނަށް އިންޓާންޝިޕް ފުރިހަމަކުރުމުގެ ފުރުސަތު ފަހިކޮށްދީއެވެ. 

ހެލްތު މިނިސްޓްރީއާއި ހާރިޖީވުޒާރާ ގުޅިގެން ކުރި މަސައްކަތްތަކުގެ ތެރެއިން ބަންގުލަދޭޝްގައި އެމްބީބީއެސް އިންޓާންޝިޕް ފުރިހަމަކުރުމުގެ ފުރުސަތު، މިހާރު އެ ފުރުސަތު އޮންނަ ޗިޓަގޮންގް މެޑިކަލް ކޮންލެޖު ހޮސްޕިޓަލާއި ޝޭރް-އޭ-ބަންގްލާ މެޑިކަލް ކޮލެޖު ހޮސްޕިޓަލުގެ އިތުރަށް ލިބޭނެ ފަސް ހޮސްޕިޓަލަކީ: 

- ސިލެޓު އެމްއޭޖީ އޮސްމާނީ މެޑިކަލް ކޮލެޖު

- މައިމެންސިންހު މެޑިކަލް ކޮލެޖު

- ރަޖްޝާނީ މެޑިކަލް ކޮލެޖު

- ޝަހީދު ޒިއައުރު ރަހުމާން މެޑިކަލް ކޮލެޖު، ބޮގުރާ

- ކޮކްސަސް ބާޒާރު މެޑިކަލް ކޮލެޖު

ހެލްތު މިނިސްޓްރީން ބުނި ގޮތުގައި އެ ފަސް ކޮލެޖަކީ ބަންގުލަދޭޝްގެ މެޑިކަލް އެންޑް ޑެންޓަލް ކައުންސިލުގެ އިތުރަށް ދިވެހިރާއްޖޭގެ މެޑިކަލް އެންޑް ޑެންޓަލް ކައުންސިލުން ގަބޫލުކުރާ ކޮލެޖުތަކެވެ. 

އިތުރަށް އެ މިނިސްޓްރީން ބުނެފައިވަނީ ބަންގުލަދޭޝްގައި އިންޓާންޝިޕް ފުރިހަމަކުރަން ބޭނުންވާ ދަރިވަރުންނަަށް އެ މިނިސްޓްރީގެ އީމެއިލް: [email protected] މެދުވެރިކޮށް އެ ފުރުސަތު ހޯދުމަށް އެދެވޭނެއެވެ. 

އިންދިރާ ގާންދީ މެމޯރިއަލް ހޮސްޕިޓަލުގައި މިހާރުވެސް އިންޓާންޝިޕް ފުރިހަމަކުރެވޭއިރު ސަރުކާރުން ގެންދަނީ ހުޅުމާލޭ ހޮސްޕިޓަލާއި އައްޑޫ އިކުއިޓޯރިއަލް ހޮސްޕިޓަލުގައި އިންޓާންޝިޕް ފެށުމަށް ތައްޔާރުވަމުންނެވެ. 

ކިޔުންތެރިންގެ ހިޔާލު