ENGLISH

04 އޭޕްރީލު 2025

Advertisement

ރައީސްގެ ވައުދުފުޅު ފުއްްދަވައިފި؛ ތެލެސީމިއާ ސެންޓަރަށް ޑީޖީއެއް ހަމަޖައްސަވައިފި

24 މާރިޗު 2025

|

ޝިފްޒާން އަޙްމަދު

މޯލްޑިވިއަން ބްލަޑް ސަރވިސަސް ގެ ޑިރެކްޓަރ ޖެނެރަލް އަހްމަދު މައުސޫމް

ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ރިޔާސީ ވައުދުފުޅާ އެއްގޮތަށް މޯލްޑިވިއަން ބްލަޑް ސާވިސަސްގެ ޑިރެކްޓާގެ މަގާމަށް ބޭފުޅަކު ހަމަޖައްސަވައިފިއެވެ. 

އެ މަގާމަށް ހަމަޖައްސަވާފައިވަނީ މެނޭޖުމެންޓު ދާއިރާގެ ތަޖުރިބާކާރެއް ކަމުގައިވާ އަލްފާޟިލް އަޙްމަދު މަޢުޞޫމެވެ. މައުޞޫމަކީ އިންދިރާގާންދީ މެމޯރިއަލް ހޮސްޕިޓަލުގައި މަސައްކަތްކުރައްވަައި ސިއްހީ ހިދުމަތުގެ ތަޖުރިބާވެސް ހޯއްދަވާފައިވާ ބޭފުޅެކެވެ. 

ހެލްތު މިނިސްޓްރީން ބުނެފައިވަނީ ޑިރެކްޓާ ޖެނެރަލްގެ އިތުރަށް ޑެޕިއުޓީ ޑިރެކްޓާ ޖެނެރަލަކާއި، ޑިރެކްޓާއެއްގެ މަގާމަށް ދެ ބޭފުޅަކު ކުރިއަށް އޮތް ދުވަސްތަކުގައި ހަމަޖެހިގެންދާނެ ކަމަށެވެ. 

ތެލަސީމިއާ ސެންޓަރުގެ ހިދުމަތުގެ ފެންވަރާމެދު އާއްމުންގެ ގިނަ ކަންބޮޑުވުންތަކެއް ފެންމަތިވުމާ ގުޅިގެން ރައީސް އިއްޔެ އެ ސެންޓަރަށް ޒިޔާރަތްކުރެއްވިއެވެ. އަދި އެ މައްސަލަތައް ހައްލުކުރުމަށް އަވަސް ފިޔަވަޅުތަކެއް އަޅުއްވަން ކަމާ ބެހޭ އިދާރާތަކަށް އިރުޝާދު ދެއްވިއެވެ. 

އެގޮތުން ރައީސް އަބްދުﷲ ޔާމީނުގެ ވެރިކަމުން ފެށިގެން އެ ސެންޓަރުގައި ޑިރެކްޓާ ޖެނެރަލެއް ނެތްކަން ފާހަގަކުރައްވައި އެ މައްސަލަ ހައްލުކުރަައްވަަން އިރުޝާދުތަކެއް ދެއްވިކަން ރައީސް ހާމަކުރެއްވިއެވެ. ރައީސްވަނީ އެ ސެންޓަރުގެ ހިދުމަތްތައް ހޮސްޕިޓަލެއްގެ ހިދުމަތާ އެއްހަމައަށް ގެނައުމަށް ބޭނުންވާނެ އިންސާނީ ވަސީލަތްތައް ހަމަޖައްސަވައިދެއްވާނެ ކަމުގއި ވިދާޅުވެފައެވެ. 

މިއަދު ސިއްހީ ވުޒރާއިން ބުނެފައިވަނީ އެމަރުކަޒަށް ފިޒީޝަނަކާއި، މިވަގުތަށް ބޭނުންވާ ފަސް ނަރުހުން ހޯދުމުގެ މަސައްކަތްވެސް މިހާރު ހިނގަމުންދާ ކަމަށެވެ. އަދި އިދާރީ މުވައްޒަފު ހަމަޖެއްސުމުގެ މަސައްކަތްވެސް އަންނނީ ހިނގަމުންނެވެ. 

ތެލެސީމިއާ ސެންޓަރުގައި ހުރި މައްސަލަތައް ހައްލުކުރުމުގެ މަސައްކަތް ސަރުކާރުން މިހާރު ފަށާފައިވާއިރު، ރައީސް ނިންމަވާފައިވަނީ އެ މަސައްކަތް ސީދާ ރައީސްގެ ބެއްލެވުމުގެ ދަށުން ކުރިއަށްގެންދެވުމަށެވެ. 

ކިޔުންތެރިންގެ ހިޔާލު