ENGLISH

04 އޭޕްރީލު 2025

Advertisement

ރައީސްގެ ވައުދުފުޅާ އެއްގޮތަށް ތަކަންދޫގައި އޭޓީއެމްގެ ޚިދުމަތް ފަށައިފި

24 މާރިޗު 2025

|

އުމްނާ އިސްމާޢީލް

ހއ. ތަކަންދޫގައި ގާއިމުކުރި އޭޓީއެމް (ފޮޓޯ/ ޕީއެސްއެމް)

ރައިސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅާ އެއްގޮތަށް، ހއ. ތަކަންދޫގައި ބޭންކް އޮފް މޯލްޑިވްސް (ބީއެމްއެލް) އިން އޭޓީއެމްގެ ޚިދުމަތް ފަށައިފި އެވެ.

ރައީސް މުއިއްޒު ވަނީ މި އަހަރު ނިމުމުގެ ކުރީން ރާއްޖޭގެ ހުރިހާ ރަށެއްގައި ބީއެމްއެލްގެ އޭޓީއެމް ބަހައްޓާ ޚިދުމަތް ފައްޓަވާނެ ކަމަށް މީގެކުރިން ވިދާޅުވެފަ އެވެ. އެ ވައުދުފުޅާ އެއްގޮތަށް ރަށްރަށުގައި އޭޓީއެމްގެ ޚިދުމަތް ގާއިމުކުރުމުގެ މަސައްކަތް ބީއެމްއެލްއިން ދަނީ ކުރަމުން ނެވެ. 

ރައީސްގެ ވައުދުފުޅުގެ ދަށުން ތަކަންދޫގައި އޭޓީއެމްއެއް ބަހައްޓައި، އެ ޚިދުމަތް ފެށުން ފާހަގަކުރުމުގެ ގޮތުން އެ ރަށުގައި މިއަދު ޚާއްސަ ރަސްމިއްޔާތެއް ވަނީ ބާއްވާފަ އެވެ. މި ރަސްމިއްޔާތުގައި އޭޓީއެމްގެ ޚިދުމަތް ފައްޓަވާދެއްވީ، މިނިސްޓަރ އޮފް ޓޫރިޒަމް އެންޑް އެންވަޔަރަމެންޓް ތޯރިގް އިބްރާހީމެވެ.

ރަސްމިއްޔާތު ޝަރަފުވެރިކޮށްދެއްވާ ވާހަކަފުޅު ދައްކަވަމުން މިނިސްޓަރު ތޯރިގް ވަނީ، މީހުން މަދު ރަށްރަށުގައި ވެސް ބޭންކުގެ ޚިދުމަތް ލިބޭ ގޮތް ހަމަޖެއްސަވަމުންދާތީ ރައީސްގެ އިތުރުން ބީއެމްއެލްއަށް ޝުކުރުއަދާކުރައްވާފަ އެވެ.

ބީއެމްއެލްގެ ސީއީއޯ މުހައްމަދު ޝަރީފް ދެއްކެވި ވާހަކަފުޅުގައި އޭނާ ވިދާޅުވީ، އޭޓީއެމްގެ ޚިދުމަތް ފެށުމާއެކު، ފައިސާ ޖަމާކުރުމާއި ނެގުމާއި ޓްރާންސްފާ ކުރުމުގެ އިތުރުން ލޯނަށް ފައިސާ ދެއްކުން ފަދަ ޚިދުމަތްތައް އެ ރަށުގެ ރައްޔިތުންނަށް މިއަދުން ފެށިގެން ލިބިގެންދާނެ ކަމަށެވެ. އަދި ބީއެމްއެލްއިން މަސައްކަތް ކުރަމުންދަނީ ޝަރީފް ވިދާޅުވި ގޮތުގައި މިއަހަރު ނިމުމުގެ ކުރިން ރާއްޖޭގެ ހުރިހާ ރަށެއްގައި ވެސް ބޭންކިންގެ ޚިދުމަތް ފަސޭހަކަމާއި އެކު ލިބޭނެ ގޮތް ފަހިކޮށްދިނުމުގެ އަމާޒުގަ އެވެ.

ކިޔުންތެރިންގެ ހިޔާލު