ENGLISH
04 އޭޕްރީލު 2025
މާލޭ ސަރަހައްދުގެ 4 ތަނެއްގައި ބޮޑު ޖަމާއަތުގައި އީދު ނަމާދު ކުރާނެ
24 މާރިޗު 2025
|
އެންމެ މަޤްބޫލު
އިސްލާމީ ކަންތައްތަކާބެހޭ ވުޒާރާއިން މާލޭ ސަރަހައްދުގައި ފިތުރު ޢީދު ނަމާދުގެ އިންތިޒާމުތައް ގެޒެޓްގައި ޝާއިޢުކުރި އިޢުލާނެއްގައި ހާމަކޮށްފިއެވެ.
މި އަހަރުގެ ފިތުރު ޢީދު ނަމާދު ބޮޑު ޖަމާޢަތުގައި ކުރިއަށްދާނީ މާލޭ ސަރަހައްދުގެ ހަތަރު ތަނެއްގައެއްގައެވެ.
މިގޮތުން، މާލޭގައި މާފަންނު ސްޓޭޑިއަމްގައި، ވިލިނގިލީގައި ބޯޅަދަނޑުގައި، ހުޅުމާލެ ފޭސް 1 ގައި ސިންތެޓިކް ޓްރެކްގައި އަދި ފޭސް 2 ގައި ކްރިކެޓް ސްޓޭޑިއަމްގައި ބޮޑު ޖަމާޢަތުގައި ޢީދު ނަމާދު ކުރިއަށްދާނެއެވެ.
މީގެ އިތުރުން، މާލެ ސަރަހައްދުގެ 23 މިސްކިތެއްގައިވެސް ޢީދު ނަމާދު ކުރެވޭނެ ގޮތް ހަމަޖައްސާފައިވާ ކަމަށް ވުޒާރާއިން ބުނެފައިވެއެވެ.
ވުޒާރާއިން އިތުރަށް ހާމަކޮށްފައިވާ ގޮތުގައި، މޫސުން ގޯސްވެ ވިއްސާރައިގެ ސަބަބުން މައިދާންތަކުގައި ނަމާދުކުރުން ކެންސަލްވެއްޖެނަމަ، މާލޭ ސިޓީގެ ހުކުރު ނަމާދުކުރާ ހުރިހާ މިސްކިތެއްގައި ޢީދު ނަމާދު ކުރިއަށްދާނެއެވެ.
މިއީ ކޮންމެ އަހަރަކުވެސް ޢީދު ނަމާދުގެ އިންތިޒާމުތައް ހަމަޖެއްސުމުގައި ވުޒާރާއިން ގެންގުޅޭ އުސޫލެކެވެ.
މި އިންތިޒާމުތަކަކީ ރަމަޟާން މަހުގެ ނިމުމާއެކު އަންނަ ފިތުރު ޢީދު ދުވަހު، ގިނަ ބައެއްގެ ބައިވެރިވުމާއެކު ޢީދު ނަމާދު އަދާކުރުމަށް ފަސޭހަވާނެ ގޮތަށް ހަމަޖައްސާފައިވާ އިންތިޒާމުތަކެކެވެ.