ENGLISH

04 އޭޕްރީލު 2025

Advertisement

އިމިގްރޭޝަންގެ ފަސް އޮފިސަރަކު ހައްޔަރުކޮށްފައި، ވަނަވަރު އާންމުކޮށްފި

24 މާރިޗު 2025

|

އަޙުމަދު ޙަމީދު

ހައްޔަރުކުރި މީހުންގެ ވަނަވަރު އާންމުކުރުން

މަގާމުގެ ނުފޫޒު ނަހަމަ ގޮތުގައި ބޭނުންކޮށްގެން ބިދޭސީންގެ އަތުން ފައިސަ ހޯދަމުންއައިކަމަށް ތުހުމަތުވާ މައްސަލާގައި ހައްޔަރު ކޮށްފައިވާ މީހުންގެ ވަނަވަރު އާންމުކޮށްފި އެވެ.

މި މައްސަލާ ގައި ފަސް މީހަކު ވަނީ ހައްޔަރު ކޮށްފަ އެވެ. އެއީ ކުރީގެ ކޮންޓްރޯލާ ޖެނެރަލް އޮފް އިމިގްރޭޝަން ޝަމްއާން ވަހީދު އާއި އިމިގްރޭޝަންގެ ފަސް އޮފިސަރެކެވެ.

އޭގެ ތެރެއިން ތިން އޮފިސަރަކު ހައްޔަރު ކުރީ ބުރާސްފަތި ދުވަހުގެ ރެ އެވެ. މި މައްސަލާގައި ޝަމްއާނު ހައްޔަރުކުރީ ހުކުރުދުވަހު ރެއެވެ. އަދި އިތުރު އޮފިސަރަކު މިރޭ ހައްޔަރު ކުރި އެވެ.

ފުލުހުން މިހާރު ވަނީ އެ މީހުންގެ ވަނަވަރު އާންމުކޮށްފަ އެވެ. އެއީ ޝަމްއާންގެ އިތުރުން ތ. ބުރުނީ މޫނިމާގެ މުހައްމަދު އަލްސަން އިސްމާއީލް އާއި ގ. ހެޕީސައިޑް އިބްރާހިމް އަހްމަދާއި ގ. ހެޕީސައިޑް ހަސަން ސަހެޝާން އާއި މ. ހަޒާރީވިލާ އަހްމަދު ލައްސާން އެވެ.

ފުލުހުން މިއަދު ވަނީ ޝަމްއާން ވަހީދުގެ އާއިލާ ބޭފުޅެއްގެ ފޯނު ހިފަހައްޓައި، އިމިގްރޭޝަނުގެ ދެ މީހަކު ފުރުން ވެސް މަނާކޮށްފަ އެވެ.

ފުލުހުން ހާމަކުރި ގޮތުގައި އިމިގްރޭޝަނުން ހިންގި އޮޕަރޭޝަނެއްގައި ހައްޔަރުކުރި ބިދޭސީއަކު ޝަމްއާނު އަންގަވައިގެން ދޫކޮށްލުމަށްފަހު، އެ އިދާރާގެ ބައެއް އޮފިސަރުން އެ ބިދޭސީމީހާއާ މަގުމަތިން ދިމާކޮށް އޭނާގެ އަތުން ގިނަަ އަދަދެއްގެ ފައިސާ ހޯދިއެވެ. 

ފުލުހުން ބުނެފައިވަނީ އެ އޮފިސަރުން ބިދޭސީމީހާ އަތުން ފައިސާ ނަގައިގެން ދިޔައީ ޝަމްއާން ދިރިއުޅުއްވާ ގެއަށް ކަމަށެވެ. 

އެ މައްސަލާގައި ފުލުހުން ޝަމްއާނުގެ ގެ ބަލައިފާސްކުރިއިރު އެތަނުން 500،000 އެއްހައި ރުފިޔާ ފެނުނުކަމަށްވެސް ފުލުހުންގެ ހިދުމަތުން ބުނެފައިވެއެވެ. 

ކިޔުންތެރިންގެ ހިޔާލު