މަޝްހޫރު ފުޓްބޯޅަ ކޯޗު އިޙްސާން އަބްދުލްޣަނީ (ސާންތި) މިރޭ ނިޔާވެއްޖެ އެވެ.

ސާންތި ނިޔާވީ ޓްރީޓޮޕް ހޮސްޕިޓަލްގަ އެވެ. ނިޔާވި އިރު އޭނާ ގެންދިޔައީ ކެންސަރަށް ފަރުވާ ހޯއްދަވަމުންނެވެ.

ސާންތި އަކީ ރާއްޖޭގައި އުފެދުނު އެންމެ މޮޅު އެއް ކޯޗެވެ. ވަރަށް ގިނަ ދުވަސްތަކެއް ވަންދެން ރާއްޖޭގެ ފުޓްބޯޅަ ޓީމުގެ އެސިސްޓެންޓް ކޯޗުކަން ކޮށްފައިވެ އެވެ.

އެންމެ ފަހުން ހުންނެވީ ޔުނައިޑެޓް ވިކްޓްރީގެ ކޯޗަކަށެވެ. ކުލަބް އީގަލްސްގެ ކޯޗެއްގެ ގޮތުގައި ވަރަށް ދިގު މުއްދަތަކަށް ހުންނެވި އެވެ. އެ ޓީމަށް ބޮޑެތި ކާމިޔާބީތަކެއް ހޯއްދަވައި ދެއްވި އެވެ.

އެންމެނާ ވެސް ވަރަށް ގުޅޭ ސާންތި ކޯޗަކީ ފުޓްބޯޅަ އާއިލާގެ ވަރަށް ބޮޑު ލޯތްބަކާ އިޙްތިރާމެއް އޮތް ބޭފުޅެކެވެ.

ސާންތި ނިޔާވުމާއި ގުޅިގެން ފުޓްބޯޅަ އާއިލާ އިން ދަނީ ހިތާމަ ފާޅުކުރަމުންނެވެ.