މުހިއްމު ފަސް ހޮސްޕިޓަލެއް އެޅުމަށް އަންނަ އަަހަރުގެ ބަޖެޓުގައި ހިމަނައިފިއެވެ.

ބަޖެޓުގައި ހިމަނާފައިވަނީ ކެންސަރާއި މެނަފްސާނީ ބަލިތަކަށް ޚާއްސަ ހޮސްޕިޓަލަކާއި ހުޅުމާލޭގައި ކެންސަރު ހޮސްޕިޓަލް ތަރައްޤީކުރުމާއި ތެލަސީމިއާ އަދި އޯގަން ޓްރާންސްޕްލާންޓްގެ 100 އެނދުގެ ހޮސްޕިޓަލާއި ހުޅުމާލޭ ފުރަތަމަ ފިޔަވަހީގައި ތަރައްޤީކުރާ ކުޑަކުދިންނާއި އަންހެނުންނަށް ޚާއްސަ ހޮސްޕިޓަލާއި، ވިލިމާލޭ ޓަރޝިއަރީ ހޮސްޕިޓަލާއި، މިހާރުގެ ހުޅުމާލޭ ހޮސްޕިޓަލް އިތުރަށް ތަރައްޤީކުރުމުގެ މަސައްކަތެވެ.

 ބޯހިޔާވަހިކަމަށް ފަހު އެންމެ ބޮޑު ހޭދައެއް ކުރުމަށް ބަޖެޓުގައި ހިމަނާފައިވަނީ ސިއްޙީ ދާއިރާއަށެވެ. 

ރާއްޖެއިން ބޭރަށް ބޭސްފަރުވާދާ މީހުންގެ އަދަދު މަދުކުރުމަށާއި ރާއްޖޭގެ ސިއްޚީ ނިޒާމަށް ބޮޑު ބަދަލެއް ގެނައުމަށްޓަކައި މިއަހަރުގެ ބަޖެޓުގައި ހިމަނާފައިވާ ފަސް ހޮސްޕިޓަލުގެ މަސައްކަތް އަންނަ އަހަރު ފެށުމަށް ފަހު، 2027ގެ ނިޔަލަށް ހޮސްޕިޓަލްތަކުގެ މަސައްކަތް ނިންމާ ޚިދުމަތް ދިނުން ސަރުކާރުން ވަނީ އަމާޒުހިފާފައެވެ. 

ރައްޔިތުންގެ މަޖިލީހުގައި ބަޖެޓު ހުށައަޅުއްވާދެއްވަމުން މާލީ ވަޒީރު މޫސާ ޒަމީރު ވިދާޅުވީ، ރާއްޖޭގައި ސިއްހީޙީ ނިޒާމުގެ ދިގު ތާރީހެޚެއް އޮތްނަމަވެސް، އަދުގެ ހަގީގަތަކީ ދިވެހި ރައްޔިތުން އެދޭ ފެންވަރުގައި ކެންސަރުފަދަ ބޮޑެތި ސިއްޙީ ބަލިތަކަށާއި، ނަފްސާނީ ދުޅަހެޔޮކަމަށް ފަރުވާދެވޭ ވަރަށްވުރެ ރާއްޖޭގެ ސިއްޙީ ނިޒާމު ބަލިކަށިކަމަށެވެ.