ENGLISH
04 އޭޕްރީލު 2025
ދިވެހިންނަށްޓަކައި ގައުމީ ޓީމުން ކުޅޭނީ ރަނގަޅު ނަތީޖާއެއް ހޯދަން: ސުޒޭން
19 މާރިޗު 2025
|
ރާއްޖޭގެ ކޯޗު، ސުޒޭން. --ފޮޓޯ: އޭއައިއެފްއެފް
އެންމެ މަޤްބޫލު
ދިވެހި އެންމެހާ ރައްޔިތުންނަށްޓަކައި އިންޑިއާއާ ދެކޮޅަށް ވީއެންމެ ރަނގަޅަށް ކުޅޭނެ ކަމަށް ގައުމީ ފުޓްބޯޅަ ޓީމުގެ ކޯޗު، އަލީ ސުޒޭން ބުނެފިއެވެ.
ރާއްޖޭގެ ކޯޗު ސުޒޭން މިހެން ބުނީ، މެޗުގެ ކުރީން ބޭއްވި ނޫސްވެރިންގެ ބައްދަލުވުމުގައެވެ.
"މި މަހުގެ 25 ވަނަ ދުވަހު ފިލިޕީންސްއާ ދެކޮޅަށް އަހަރެމެން ކުޅޭތީ، މިއީ އެ މެޗަށް ތައްޔާރުވުމުގެ މެޗެއް." ސުޒޭން ބުންޏެވެ.
ސުޒޭން ބުނީ، އެކުވެރިކަމުގެ މެޗެއް ކަމުގައިވިޔަސް އިންޑިއާއާ ދެކޮޅަށް ކުޅޭ މެޗަކީ މުހިއްމު މެޗެއް ކަމަށެވެ.
"އިންޑިއާ އާއި ރާއްޖެ އަކީ މި ސަރަހައްދުގެ ވަރުގަދަ ދެ ޓީމަށް ވުމުން ދެ ޓީމަށް ވެސް ކުރިއަށް އޮތް މެޗުތަކާ ކުރިމަތިލާއިރު މި މެޗު ވާދަވެރިވާނެ ކަމަށް އުއްމީދުކުރަން،" ސުޒޭން ބުންޏެވެ.
މިދިޔަ ދުވަސްތަކުގައި ބައިނަލްއަގުވާމީ މެޗުތަކެއް ކުޅެފައިނުވި ނަމަވެސް ރާއްޖޭގެ ކުޅުންތެރިންނާއެކު ގިނަ ދުވަސްތަކެއް ވަންދެން މަސައްކަތްކޮށްފައިވުމުން ވަކިވަކި ކުޅުންތެރިންގެ ފެންވަރު ވަރަށް ރަނގަޅަށް އެނގޭ ކަމަށާއި، އެހެންކަމުން އެ ކުޅުންތެރިންގެ އިމްޕްރޫވް ކުރަންޖެހޭ ކަންތައްތައް ވަރަށް ރަނގަޅަށް އެނގޭ ކަމަށް ވެސް ސުޒޭންގެ ވާހަކައިގައިވަނީ ފާހަގަކޮށްފައެވެ.
ސުޒޭން އިތުރަށް ބުނީ، ހުރިހާ ކުޅުންތެރިންގެ ފުރިހަމަ އިތުބާރު އޭނާ އަށް އެބައޮތް ކަމަށެވެ.
އިންޑިއާއާ ދެކޮޅަށް ރާއްޖެ ކުޅޭ އެކުވެރިކަމުގެ މެޗު ފަށާނީ މިރޭ އިރުއޮއްސި 6:30 ގައެވެ.