ENGLISH
04 އޭޕްރީލު 2025
ދެވަނަ މެޗުން ވެސް ޕާކިސްތާން އަތުން ނިއު ޒީލެންޑް މޮޅުވެއްޖެ
18 މާރިޗު 2025
|
ޕާކިސްތާންގެ ކުޅުންތެރިއަކު ނުބައިކޮށްލުމަށްފަހު ނިއު ޒީލަންޑްގެ ކުޅުންތެރިން އުފާ ފާޅުކުރަނީ. --ފޮޓޯ: ގެޓީ އިމޭޖަސް
އެންމެ މަޤްބޫލު
މިހާރު ކުރިއަށްދާ ޓީ20 ކްރިކެޓް ސީރީޒްގެ ދެވަނަ މެޗުގައި ޕާކިސްތާން އަތުން ނިއު ޒީލަންޑް ފަސް ވިކެޓުން މޮޅުވެއްޖެއެވެ.
މިއަދު ކުޅުނު މެޗުގެ ޓޮސް ދިމާވުމުން ނިއު ޒީލަންޑު ގަސްދުކުރީ ހޮވަން އަރާށެވެ. ޕާކިސްތާން ކުޅެން އަރައި، 15 އޯވަރުގެ ތެރޭގައި ނުވަ ވިކެޓަނަށް 135 ލަނޑު ހެދިއެވެ. އެ ޓީމުން އެންމެ ރަނގަޅަށް ކުޅުނީ ކެޕްޓަން، ސަލްމާން އަގާ އެވެ. އޭނާ ވަނީ 28 ބޯޅައިން 46 ލަނޑު ހަދައިފައެވެ.
މި އިނިންގސްގައި ނިއު ޒީލެންޑްގެ ޖޭކޮބް ޑަފީ، ބެން ސިއާސް، ޖޭމްސް ނީޝަމް އާއި އިޝް ސޯދީ ކުރެން ކޮންމެ ކުޅުންތެރިއަކު ދެ ވިކެޓް ނެގިއެވެ.
ރައްދުގައި ކުޅެން އަރައި، ނިއު ޒީލެންޑުން ވަނީ 13.1 އޯވަރުގެ ތެރޭގައި ފަސް ވިކެޓަށް 137 ލަނޑު ހަދައިފައެވެ. ނިއު ޒީލަންޑުން އެންމެ ރަނގަޅަށް ކުޅުނީ 22 ބޯޅައިން 45 ލަނޑު ހެދި ޓިމް ސެއިފާޓް އެވެ. މީގެއިތުރުން، ފިން އެލަންގެ ކުޅުން ފާހަގަކޮށްލެވުނެވެ. އޭނާ ވަނީ 16 ބޯޅައިން 38 ލަނޑު ހަދައިފައެވެ.
މި މެޗުގެ މޮޅު ކުޅުންތެރިއަކަށް ހޮވުނީ ނިއު ޒީލެންޑްގެ ޓިމް ސެއިފާޓް އެވެ.
މި ދެ ޓީމުގެ މެދުގައި ކުޅުމަށް ހަމަޖެހިފައިވާ ތިންވަނަ މެޗުގެ ކުޅުން އޮންނާނީ މި މަހުގެ 21 ވާ ހުކުރު ދުވަހު އެވެ. މިހާތަނަށް ކުޅުނު ދެ މެޗު ކާމިޔާބުކޮށް، ނިއު ޒީލެންޑުން ވަނީ ފަސް މެޗުގެ ސީރީޒްގައި 2-0 އިން ލީޑު ނަގައިފައެވެ.