ރަމަޟާންމަހުގެ ފަހު ދިހައަކާއި، ފިތުރު ޢީދާ ގުޅިގެން ސަރުކާރު ބަންދުކުރާ މުއްދަތުގެ ތެރޭގައި ތިން ދުވަހަކު މަރުކަޒީ ބޭންކުން ހިދުމަތް ދިނުމަށް ނިންމާފައިވާކަމަށް އެ ބޭންކުން ބުނެފިއެވެ.

ދިވެހިރާއްޖޭގެ މަރުކަޒީ ބޭންކް، އެމްެެއެމްއޭއިން މިކަން ހާމަކުރަން ކުރި އިއުލާނުގައި ބުނެފައިވަނީ، މިގޮތަށް ނިންމީ ބަންދާ ދިމާކޮށް ރައްޔިތުންނަށާއި ވިޔަފާރިތަކަށް ދަތިނުވާނޭހެން އެ ބޭންކުގެ ހިދުމަތްތައް ދިނުމުގެ ބޭނުމުގައެވެ.

މީގެކުރިން އެމްއެމްއޭއިން ނިންމާފައިވަނީ މި ބަންދުގައި ދެ ދުވަހެއްގައި ހިދުމަތް ދިނުމަށެވެ. ނަމަވެސް މި އިއުލާނުގައި ވާގޮތުން، މިހާރު މި ބަންދުގައި ތިން ދުވަހެއްގައި މަރުކަޒީ ބޭންކުގެ ހިދުމަތް ދިނުމަށްވަނީ ނިންމާފައެވެ. މި ބަންދުގައި އެމްއެމްއޭ ހުޅުވިފައި ހުންނާނީ 20، 27 އަދި 29 މާާރޗްގެ ހެނދުނު 9:00 އިން މެންދުރު 1:00 އަށެވެ.

މިދުވަސްތަކުގައި އެމްއެމްއޭއިން ބޭންކިންގ ހިދުމަތާއި ސިޓީފަދަ ތަކެތި ބަލައިގަންނާނީ ހެނދުނު 9:00 އިން މެންދުރު 12:00 އަށެވެ.