ENGLISH
04 އޭޕްރީލު 2025
އިނގިރޭސި ގައުމީ ސަލާން ކިޔުމުގެ ހައްގު ލިބިގެން މެނުވީ ނުކިޔާނަން: ޓުޗެލް
15 މާރިޗު 2025
|
އިންގްލެންޑްގެ ކޯޗު، ޓުޗެލް. --ފޮޓޯ: ރޮއިޓާސް
އެންމެ މަޤްބޫލު
އިނގިރޭސި ގައުމީ ސަލާން ކިޔާނީ އެ ކިޔުމުގެ ހައްގު ލިބިގެން ކަމަށް އެ ޓީމުގެ ކޯޗުކަމާ ހަވާލުވި ޖަރުމަނުގެ ތޯމަސް ޓުޗެލް ބުނެފިއެވެ.
ޓުޗެލް މިހެން ބުނީ، ވޯލްޑް ކަޕް ކޮލިފައިންގ މެޗުތަކަށް ނެގި އިނގިރޭސި ސްކޮޑު އިޢްލާނުކުރުމަށް ބޭއްވި ނޫސްވެރިންގެ ބައްދަލުވުމުގައެވެ.
މިދިޔަ އޮކްޓޫބަރު މަހު އިންގްލެންޑްގެ ކޯޗުގެ މަގާމަށް އައްޔަންކުރި ޓުޗެލް ބުނީ، އޭނާގެ އިރުޝާދުގެ ދަށުން އިނގިރޭސިން ކުޅުމަށް ހަމަޖެހިފައިވާ ފުރަތަމަ މެޗުތަކުގައި އެ ގައުމުގެ ގައުމީ ސަލާން ނުކިޔާނެ ކަމަށެވެ.
ޓުޗެލް ވަނީ، ގައުމީ ސަލާމަކީ އެހާ މާނަވީ، އިހްސާސްތަކާ ގުޅިފައިވާ އަދި އެހާ ބާރުގަދަ އެއްޗެއްގެ ގޮތުގައި ސިފަކޮށްފައެވެ.
"ގައުމީ ސަލާން ކިޔުމުގެ ހައްގު ހޯދައިގެން މެނުވީ ކިޔައިގެން ނުވާނެ ކަމަށް އަހަރެންނަށް އިހުސާސްކުރެވެނީ." ޓުޗެލް ބުންޏެވެ.
މީގެކުރީން، އިންގްލެންޑްގެ އިންޓެރިމް ކޯޗުގެ މަގާމުގައި އެންމެ ފަހުން ހުރި ލީ ކާސްލީ ވެސް އިނގިރޭސި ގައުމީ ސަލާން ނުކިޔުމުން ވަނީ ފާޑުކިޔުންތައް އަމާޒުވެފައެވެ.
އެހެންނަމަވެސް، ޓުޗެލް ބުނީ، އިނގިރޭސި ޓީމުގެ އިސް ފަރާތެއްގެ ގޮތުގައި ހުރުމުން ފަޚުރުވެރިވާ ކަމަށާއި، އެ ގައުމުގެ ގައުމީ ސަލާން ވެސް އެނގޭ ކަމަށެވެ. އެކަމަކު، އޭނާ ގަބޫލުކުރާ ގޮތުގައި އިނގިރޭސި ގައުމީ ސަލާން ކިޔުމުގެ ހައްގު ހޯދަން ޖެހޭނީ ޓީމާއެކު ރަނގަޅު ނަތީޖާތަކެއް ނެރެގެން ކަމަށެވެ.
ޓުޗެލް އިތުރަށް ބުނީ، ފަހަރުގައި އިނގިރޭސި ސަގާފަތަށް އޭނާ އިތުރަށް އަހުލުވެރިވެ، ކުޅުންތެރިންނާއި، ސަޕޯޓަރުންގެ ކިބައިން ގައުމީ ސަލާން ކިޔުމުގެ އިޒުނަ ލިބުމުން އެކަން ކުރަންވީ ވަގުތު އައިސް ޖެހުނީ ކަމަށް އެންމެންނަށް ގަބޫލުކުރެވުމުން ވެސް އެކަން ކުރެވިދާނެ ކަމަށެވެ.