މިއަދުގެ ދުވާލުގެ ބޮޑު ބައެއްގަައި ރާއްޖޭގެ ބޮޑު ސަަރަަހައްދަކަށް ބޯކޮށް ވިއްސާރަވާނެ ކަމުގައި ލަަފާކުރެވޭތީ މޫސުމާ ބެހޭ ގައުމީ އިދާރާއިން ނެރުނު ރީނދޫ ސަމާލު ދަމަހައްޓައިފިއެވެ. 

ރޭ އެންމެ ފުރަތަމަ ރީނދޫ ސަމާލު ނެރުނީ ދަންވަަރު 1:30 އިން ފެށިގެން މިއަދު ހެނދުނު 6:30 އާ ދެމެދު ހއ.އަތޮޅުން ފެށިގެން އދ.އަތޮޅާ ދެމެދުގައިވާ ރަށްތަކަށް ބޯކޮށް ވާރޭވެހި ގުގުރާނެ ކަމުގައި ލަފާކޮށެވެ. 

އޭގެ ފަހުން އެ ރީނދޫ ސަމާލުގެ މުހުލަތު ހެނދުނު 6:30 އިން 9:30 އަށް އިތުރުކޮށް އެ ސަމާލު ނެރެފައިވާ ސަަރަހައްދުވެސް ފުޅާކުރިއެވެ. އެގޮތުން ހއ.އަތޮޅުން ފެށިގެން ވ.އަތޮޅާ ދެމެދުގައި ހިމެނޭ ހުރިހާ އަތޮޅަަކަށް ރީނދޫ ސަމާލު ފުޅާކޮށްފައިވެއެވެ. 

އަދި އޭގެ ފަހުން މިއަދު ހެނދުނު 9:30 އިން ފެށިގެން މެންދުރުފަހު 13:30 އާ ހަމައަށް އެ ރީނދޫ ސަމާލުގެ މުއްދަތު އިތުރުކޮށްފައިވެއެވެ. 

މޫސުމާ ބެހޭ ގައުމީ އިދާރާއިން ބުނެފައިވާ ގޮތުން އިއްޔެއާއި މިއަދު ރާއްޖޭގެ ބޮޑު ބަޔަކަށް ވިއްސާރަވާނެއެވެ. މިއީ ރާއްޖޭގެ އިރުމަތިން އުފެދުނު ކޮޅިގަނޑެއްގެ ސަބަބުން ކުރަމުންދާ ވިއްސާރައެއްކަމަށް އެ އިދާރާއިން ބުނެފައިވެއެވެ.