މަގާމުން ވަކިކުރުމުގެ މަސައްކަތް ފަށާފައިވަނިކޮށް ސިވިލް ސާވިސް ކޮމިޝަން (ސީއެސްސީ)ގެ ނައިބު ރައީސް އިބްރާހީމް ރަޝީދު އިސްތިއުފާދެއްވައިފިއެވެ.

އިބްރާހިމް ރަޝީދު މަގާމަށް އައްޔަނުކުރައްވާފައިވަނީ 2020 ސެޕްޓެމްބަރު 3 ގައެވެ. 

މަގާމުން އިސްތިއުފާދެއްވުމާ ގުޅިގެން ސިވިލް ސާވިސް ކޮމިޝަނުން ވަނީ އެނާގެ ޚިދުމަތްތަކަަށް ޝުކުރުއަދާކުރައްވާފައެވެ. 

ސިވިލް ސާވިސް ކޮމިޝަނުން ބުނެފައިވަނީ ރާއްޖޭގެ ސިވިލް ސަރވިސްގެ މުސްތަޤްބަލް ބައްޓަންކޮށް، ޑިޖިޓަލައިޒޭޝަންގެ ޒަރިއްޔާއިން މާނަ ހުރި ބަދަލުތަކެއް ގެނައުމުގައި އޭނާގެ ލީޑަރޝިޕާއި ތަޞައްވުރަކީ ވަރަށް މުހިންމު ދައުރެއް އަދާކުރައްވާފައިވާ ކަމެއް ކަމަށެވެ.