ENGLISH

07 އޭޕްރީލު 2025

Advertisement

ސޮސިއެޑާޑް އަތުން ޔުނައިޓެޑް މޮޅެއް ނުވި

07 މާރިޗު 2025

|

މުޙައްމަދު އަދުހަމް

ސޮސިއެޑާޑާ ދެކޮޅަށް ޔުނައިޓެޑް ކުޅުނު މެޗުގެ ތެރެއިން. --ފޮޓޯ: އޭޕީ

ޔުއެފާ ޔުރޮޕާ ލީގުގެ ގަދަ 16 ގެ ބުރުގެ ފުރަތަމަ ލެގުގައި ސްޕެއިނުގެ ރެއާލް ސޮސިއެޑާޑާއި މެންޗެސްޓާ ޔުނައިޓެޑް ކުޅުނު މެޗު 1-1 އިން އެއްވަރުވެއްޖެއެވެ.

ސޮސިއެޑާޑްގެ ދަނޑުގައި ކުޅުނު މެޗުގައި ފެނިގެންދިޔަ ހުރިހާ ގޯލެއް ވެސް ކާމިޔާބުކުރީ ފަހު ހާފުގައެވެ.

ރޭގެ މެޗުގެ ދެވަނަ ހާފުގެ ކުރީކޮޅު ޔުނައިޓެޑްގެ ނެދަލެންޑްސް ފޯވާޑް، ޖޯޝުއާ ޒާކްޒީ ލީޑު ނަގައިދީފައިވަނިކޮށް، ސޮސިއެޑާޑަށް އެއްވަރުކޮށްދިނީ ލިބުނު ޕެނަލްޓީއަކުން މިކޭލް އޮޔަޒަބާލް އެވެ.

މި ދެ ޓީމުގެ މެދުގައި ކުޅުމަށް ހަމަޖެހިފައިވާ ދެވަނަ ލެގުގެ މެޗު އަންނަ ބުރާސްފަތި ދުވަހު އޮންނާނީ ޔުނައިޓެޑްގެ އޯލްޑް ޓްރެފޯޑްގައެވެ.

މި މުބާރާތުގައި ރޭ ކުޅުނު އެހެން މެޗުތަކުގެ ނަތީޖާއަށް ބަލާއިރު، ޓޮޓްނަމް ހޮޓްސްޕަރ ވަނީ ރަށުން ބޭރުގައި 1-0 އިން އޭޒެޑް އަލްކްމާރް އަތުން ބަލިވެފައެވެ. ފެނަބާޗޭ އަތުން ރޭންޖާސް 3-1 އިން މޮޅުވިއިރު، އަޔެކްސްގެ ދަނޑުގައި އެ ޓީމު ވަނީ 2-1 އިން އެއިންޓްރަކްޓް ފްރެންކްފާޓް އަތުން ބަލިވެފައެވެ.

ކިޔުންތެރިންގެ ހިޔާލު