ENGLISH

04 އޭޕްރީލު 2025

Advertisement

ދެކުނު އެފްރިކާ ބަލިކޮށް، ނިއު ޒީލަންޑް ފައިނަލަށް

05 މާރިޗު 2025

|

މުޙައްމަދު އަދުހަމް

ދެކުނު އެފްރިކާގެ ކުޅުންތެރިއަކު ނުބައިކޮށްލުމަށްފަހު ނިއު ޒީލަންޑްގެ ކުޅުންތެރިން އުފާ ފާޅުކުރަނީ. --ފޮޓޯ: އައިސީސީ / ގެޓީ އިމޭޖަސް

އައިސީސީ ޗެމްޕިއަންސް ޓްރޮފީގެ ސެމީ ފައިނަލުގެ ދެވަނަ މެޗުގައި މިރޭ ދެކުނު އެފްރިކާ ބަލިކޮށް، ނިއު ޒީލަންޑުން އެ މުބާރާތުގެ ފައިނަލަށް ދަތުރުކޮށްފިއެވެ.

މި މެޗުން ނިއު ޒީލަންޑް މޮޅުވީ 50 ލަނޑުންނެވެ.

ޕާކިސްތާންގެ ލާހޯރުގައި ކުޅުނު މެޗުގައި ޓޮސް ދިމާވުމުން ނިއު ޒީލަންޑުން ކުޅެން އަރައި، 50 އޯވަރުގެ ތެރޭގައި ހަ ވިކެޓަށް 362 ލަނޑު ހެދިއެވެ.

ނިއު ޒީލަންޑުން އެންމެ ރަނގަޅަށް ކުޅުނީ މެޗުގެ މޮޅު ކުޅުންތެރިއަކަށް ހޮވުނު ރަޗިން ރަވިންދްރަ އެވެ. ރަވިންދްރަ ވަނީ 101 ބޯޅައިން 108 ލަނޑު ހަދައިފައެވެ. މީގެއިތުރުން، އެ ޓީމުގެ ކުރީގެ ކެޕްޓަން، ކޭން ވިލިއަމްސަން ވެސް ސައްތަ ހެދިއެވެ.

ރައްދުގައި ކުޅެން އަރައި، 50 އޯވަރުގެ ތެރޭގައި ދެކުނު އެފްރިކާގެ ނުވަ ކުޅުންތެރިން ނުބައިވެގެން ހެދުނީ 312 ލަނޑެވެ. އެ ޓީމުން އެންމެ ރަނގަޅަށް ކުޅުނީ ނުބައިނުވެ 67 ބޯޅައިން 100 ލަނޑުހެދި ޑޭވިޑް މިލާ އެވެ. މި އިނިންގްސްގައި ނިއު ޒީލަންޑްގެ މިޗޭލް ސެންޓްނާ ތިން ވިކެޓްނެގިއިރު، މެޓް ހެންރީ އާއި ގްލެން ފިލިޕްސް ކުރެން ކޮންމެ ކުޅުންތެރިއަކު ދެ ވިކެޓް ނެގިއެވެ.

މުބާރާތުގެ ފައިނަލުގައި ނިއު ޒީލަންޑާއި އިންޑިއާ ބައްދަލުކުރާ މެޗު އޮންނާނީ މި މަހުގެ 9 ވާ އާދީއްތަ ދުވަހު އެވެ.

ކިޔުންތެރިންގެ ހިޔާލު