ރާއްޖޭގެ އެކި ކަންކޮޅުތަކަށް މިހާރު ކުރަމުންދާ ވިއްސާރައިގައި ކ. ދިއްފުއްޓަށް ރެކޯޑު މިންވަރަކަށް ވާރޭ ވެހުނުކަމަށް ރާއްޖޭގެ މޫސުމާބެހޭ ޤައުމީ އިދާރާގެ ތަފާސްހިސާބުތަކުން ދައްކައިފިއެވެ.

ހުއްޓާނުލާ އެންމެ ގިނައިން ވާރޭ ވެހުނުކަމަށް ރެކޯޑު ކުރެވިފައިވާ ރަށްތަކަކީ:

02 މާރިޗު 2025: ކ. ދިއްފުށި (296.1 މމ)

12 އޮގަސްޓު 2024: ހއ. ކެލާ (231.5 މމ)

05 ޑިސެމްބަރު 2018: މާލެ (228.9 މމ)

24 ނޮވެމްބަރު 2015: ސ. ގަން (228.4 މމ)

09 ޖުލައި 2002: ގދ. ކާޑެއްދޫ (219.8 މމ)

މީގެ އިތުރުން ފާއިތުވި 24 ގަޑިއިރު އެންމެ ގިނައިން ވާރޭ ވެހުނު ރަށްތަކަކީ:

ކ. ދިއްފުށި: 296.1 މމ

ހުޅުމާލެ: 185.2 މމ

ފ. ނިލަންދޫ: 178.2 މމ

ހުޅުލެ: 177.2 މމ

ބ. ގޮއިދޫ: 166.3 މމ

ރާއްޖޭގެ މޫސުމާބެހޭ ޤައުމީ އިދާރާއިން ވަނީ މިއަދުގެ 09:30-13:30 އަށް ހއ. އަތޮޅުން ފެށިގެން ބ. އަތޮޅާހަމައަށް ރީނދޫ ސަމާލު ނެރެފައެވެ. އަދި އިއްޔެ ކުރި ވިއްސާރައިގެ ސަބަބުން އެކި ރަށްތަކަށް އެކިވަރުގެ ގެއްލުން ލިބިފައިވާތީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ މިއަދަކީ ސަރުކާރު ބަންދު ދުވަހެއްގެ ގޮތުގައި ހަމަޖައްސަވާފައެވެ.