ދިވެހި ފުލުހުންގެ ހިދުމަތުން ބަލަމުން އަންނަ މައްސަލައެއްގެ ތަހުގީގަށް މީހަކު ހޯދަން އިއުލާނުކޮށްފިއެވެ.

ބަދަލުން އަންނަ މައްސަލައަކާ ގުޅިގެން ހޯދަން އިއުލާނުކުރީ ސ.ހިތަދޫ ކުދެހިމާގެ، މުޙައްމަދު ޝަރީފް (50އ) އެވެ.

ފުލުހުން ބުނީ މި މީހާ ހޯދަން އިއުލާނުކުރީ ޑްރަގްސް އެންޑް ސަބްސްޓެންސް އެބިއުސް ކޮންޓްރޯލްްއިން ތަހުގީގު ކުރަމުން އަންނަ މައްސަލައެއްގައި ކަމަށެވެ. 

މަައްސަލައިގެ ތަހުގީގަށް އޭނާ ހާޒިރު ނުކުރެވުނީ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީކަމަށް ފުލުހުން ބުނެފައިވެއެވެ. އެހެންކަމުން އެ މީހާ ހޯދަން އިއުލާނު ކުރީ ޖިނާއި މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިނެވެ.