ކުރިއަށް އޮތް ރަމަޟާން މަހަށް ޚާސަކޮށް އިހުސާން ފިހާރައިން ފައިސާގެ ބޮޑެތި އިނާމުތަކާ އެކު "ރޯދަ ހަދިޔާ 2025" ގެ ނަމުގައި ބޮޑު ޕްރޮމޯޝަނެއް ފަށައިފިއެވެ.

ރޯދަ މަހާ ދިމާކޮށް، އިހުސާން ފިހާރައިން އަބަދުވެސް ތަފާތު އެކިއެކި ޕްރޮމޯޝަންތައް ހިންގައެވެ. އެގޮތުން މިފަހަރުގެ ރޯދަ ހަދިޔާ ޕްރޮމޯޝަންގައި 200 ރުފިޔާ އިން މަތިން ކުރާ ކޮންމެ ވިޔަފާރިއަކަށް ކޫޕަނެއް ދޫކުރާނެ އެވެ.  

ޕްރޮމޯޝަން ކުރިއަށް ދާނީ މިއަދުން ފެށިގެން އެޕްރީލް މަހުގެ 20 ވަނަ ދުވަހުގެ ނިޔަލަށެވެ. ދެ މަސް ދުވަހުގެ މުއްދަތަށް ކުރިއަށް ގެންދާ މި ޕްރޮމޯޝަނުގައި ބައިވެރިވެވޭނީ ވިޔަފާރިކޮށްގެން ލިބޭ ކޫޕަން ފުރުމަށް ފަހު އިހްސާން ފިހާރައިގެ އައުޓްލެޓްތަކުގައި ބަހައްޓާފައި ހުންނަ ފޮއްޓަށް ކޫޕަންކޮޅު ލުމުންނެވެ.

ޕްރޮމޯޝަންގައި ބައިވެރިވި ފަރާތްތަކުގެ ތެރޭން ގުރުއަތުން ހޮވޭ ތިން ފަރާތަކަށް އަގުހުރި ފައިސާގެ އިނާމުތަކެއް ދޭން ވަނީ ހަމަޖައްސާފައެވެ. އެގޮތުން ފުރަތަމަ ނަސީބު ވެރިޔާއަށް 75،000 ރުފިޔާގެ ފައިސާގެ އިނާމު ލިބޭނެއެވެ. ދެވަނަ ނަސީބުވެރިޔާއަށް 50،000 ރުފިޔާ އަދި ތިން ވަނަ ނަސީބުވެރިޔާ އަށް 25،000 ރުފިޔާ ލިބޭނެއެވެ.