ދިވެހިރާއްޖޭގެ 61 ވަނަ މިނިވަން ދުވަހުގެ މުނާސަބަތުގައި ބާއްވާ މައިދާނީ ކުޅިވަރުތަކާއި އަސްކަރީ ހިނގާލުން މިރޭ ޖުމްހޫރީ މައިދާނުގައި ބޭއްވުމަށް ވަނީ ހަމަޖެހިފައެވެ.

މި ހަރަކާތްތަކާ ގުޅޭގޮތުން ދިވެހި ފުލުހުންގެ ޚިދުމަތުން ވިދާޅުވީ، އަސްކަރީ ހިނގާލުން ފެށުމަށް ހަމަޖެހިފައިވަނީ މިރޭ 20:30 ގައި ކަމަށެވެ. ޖުމްހޫރީ މައިދާނުން ފަށާ މި ހިނގާލުމުގައި އެމް.އެން.ޑީ.އެފް ބޭންޑާއެކު ޖުމްލަ ހަ ގެމައަކުން ބައިވެރިވާނެއެވެ. މި ހިނގާލުމުގެ ތެރެއިން ސިފައިންގެ ތަފާތު ކޯރތަކާއި ޚިދުމަތްތައް އާންމުންނަށް ދައްކާލުމަށް ވަނީ ރޭވިފައެވެ.

އަސްކަރީ ލަޝްކަރު މާލޭގެ ހަތަރު ސަރަހައްދެއްގައި މަޑުކުރުމަށް ވަނީ ހަމަޖެހިފައެވެ. އެއީ:

މި ސަރަހައްދުތަކުގައި ލަޝްކަރު މަޑުކުރާ ވަގުތުތަކުގައި ސިފައިންގެ ބޭންޑުން ތަފާތު ރާގުތައް ކުޅުމަށް ހަމަޖެހިފައިވެއެވެ. 

މީގެއިތުރުން، ޤައުމީ ކެޑޭޓު ކޯގެ ޕެރޭޑާއި، ސްކޫލުތަކުގެ ފަރާތުން ހުށަހަޅައިދޭ ކުޅިވަރުތަކާއި ސަޤާފީ ހަރަކާތްތައް ވެސް ކުރިއަށްދާނެއެވެ. މިނިސްޓްރީ ފިލް ދަ ހެރިޓޭޖް އެންޑް އާޓްސް އިން މަޢުލޫމާތު ދެއްވި ގޮތުގައި، ރާއްޖޭގެ މަޝްހޫރު ނަށާ ގްރޫޕުތަކާއި ބޮޑުބެރު ގްރޫޕުތަކުގެ ފޯރިގަދަ ހުށަހެޅުންތައް ވެސް މި މިނިވަން ދުވަހުގެ މައިދާނީ ހަރަކާތްތަކުގެ ތެރެއިން ފެނިގެންދާނެއެވެ.