ރާއްޖޭގައި ފުޅާ ދާއިރާއެއްގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ ދެ ބިދޭސީއަކު އަތުލައިގަނެފި އެވެ.

މޯލްޑިވްސް އިމިގްރޭޝަނުން ވިދާޅުވީ، އެ ދެ މީހުން ހައްޔަރުކުރީ އެ އިދާރާއާއި ފުލުހުންގެ ޚިދުމަތުން ގުޅިގެން ހިންގި އޮޕަރޭޝަނެއްގެ ތެރެއިން ކަމަށެވެ.

މި މައްސަލައިގައި ހައްޔަރުކުރީ އިންޑިއާއަށް ނިސްބަތްވާ 39 އަހަރުގެ އަންހެނަކާއި އޭޖެންޓެއްގެ ގޮތުގައި މަސައްކަތް ކުރި ނޭޕާލްއަށް ނިސްބަތްވާ 52 އަހަރުގެ ފިރިހެނެކެވެ.

އިމިގްރޭޝަނުން ވިދާޅުވީ، އެ މައްސަލަ އިތުރަށް ތަހުގީގުކުރުމަށްފަހު އަންހެން މީހާ ޑީޕޯޓުކޮށްލާފައިވާ ކަމަށެވެ. އަދި ފިރިހެން މީހާވެސް ޑީޕޯޓުކޮށްލުމުގެ މަސައްކަތް ކުރައްވަމުންދާ ކަމަށެވެ.