މޯލްޑިވިއަންގެ ބައެއް މަންޒިލުތަކަށް ޓިކެޓްގެ އަގު ބޮޑުކޮށްފައި ނުވާނެކަމުގެ ޔަޤީންކަން އެ ކުންފުނިން ދެއްވައިފިއެވެ.

ބައެއް މަންޒިލުތަކަށް މޯލްޑިވިއަނުން ޓިކެޓުގެ އަގު ބޮޑުކޮށްފައިވާ ކަމަށް ސޯޝަލް މީޑިޔާގައި ފަތުރާ ވާހަކަތަކަށް ރައްދު ދެއްވައި މޯލްޑިވިއަނުން ވިދާޅުވީ ޓިކެޓުގެ އަގަށް އެއްވެސް ބަދަލެއް ގެނެސްފައި ނުވާނެކަމަށެވެ. 

"ބުކިން ސިސްޓަމަށް އަޕްގްރޭޑް ކުރުމުގެ ތެރޭގައި އެރި އެރާ އަކާ ގުޅިގެން ޚިދުމަތް މެދުކެނޑުނު. ޓިކެޓްގެ އަގަށް ބަދަލުގެނެސްފައެއް ނުވާނެ. އެއީ ރަނގަޅު ވާހަކައެއްނޫން. ސިސްޓަމަށް ދިމާވި މައްސަލަ ވެސް މިހާރު ހައްލުވެއްޖެ،" މޯލްޑިވިއަންގެ މެނޭޖިން ޑިރެކްޓަރު އިބްރާހިމް އިޔާސް ވިދާޅުވިއެވެ. 

ބުކިން ސިސްޓަމަށް ދިމާވި މައްސަލަ ގާތްގަނޑަކަށް އެއް ގަޑިއިރުގެ ތެރޭގައި ހައްލުކޮށް، އަލުން ޚިދުމަތްދޭން މިހާރު ވަނީ ފަށައިފައެވެ. އަދި ބުކިން ސިސްޓަމް މެދުކެނޑުނު ވަގުތުތަކުގައި މޯލްޑިވިއަންގެ 1671 ފޯނު ނަމްބަރު އަދި އީމެއިލް މެދުވެރިކޮށް ވެސް ޚިދުމަތް ފޯރުކޮށްދީފައިވެއެވެ. 

ޤައުމީ އެއާލައިން މޯލްޑިވިއަނުން 29 މަންޒިލަކަށް ދަތުރުކުރެއެވެ.