މާލެ -ހުޅުމާލެ ހައިވޭގައި ޖަހާފައިވާ ސޯލާ ޕެނަލްތަކުގައި މަސައްކަތް ކުރާކަން އަންގައިދިނުމަށް ބަހައްޓާފައި ހުރި ކޯންތަކެއްގައި ޖެހި ހިނގި އެކްސިޑެންޓެއްގައި މިއަދު ހެނދުނު ބިދޭސީއަކު ނިޔާވެއްޖެ އެވެ.

ފުލުހުން ވިދާޅުވީ ހުޅުމާލެ އިން މާލެ އަންނަ ލޭންގައި ބަހައްޓާފައި ހުރި ކޯނެއްގައި ސައިކަލެއް ޖެހި އެކްސިޑެންޓެއް ހިނގިކަން ރިޕޯޓްކޮށްފައި ވަނީ ހެނދުނު 8:19 ގައި ކަމަށެވެ. 

އެކްސިޑެންޓުގައި އައިޖީއެމްއެޗަށް ގެންގޮސް ފަރުވާ ދެމުން ދަނިކޮށް ނިޔާވީ 9:05 އެވެ. ނިޔާވެފައި ވަނީ ބަންގްލަދޭޝްގެ ފިރިހެނެކެވެ. 

މި މައްސަލަ ފުލުހުން ގެންދަވަނީ ތަޙުޤީޤު ކުރައްވަމުންނެވެ.