ENGLISH

04 އޭޕްރީލު 2025

Advertisement

އެސްޓީއޯއަށް މިދިޔަ އަހަރު 15 ބިލިއަން ރުފިޔާގެ އާމްދަނީއެއް ލިބިއްޖެ

31 ޖެނުއަރީ 2025

|

ޢަލީ ޝަހީމް

އެސްޓީއޯ އަށް މިދިޔަ އަހަރު 15 ބިލިއަން ރުފިޔާގެ އާމްދަނީއެއް ލިބިފައިވާ ކަމަށް އެ ކުންފުނިން އިއްޔެ އާއްމުކުރި މާލީ ހިސާބުތަކުން ދައްކައިފިއެވެ.

އެސްޓީއޯއިން އިއްޔެ އާއްމުކުރީ މިދިޔަ އަހަރުގެ ހަތަރު ވަނަ ކުއާޓަރުގެ ވަގުތީ މާލީ ހިސާބުތަކެވެ. ޖުމްލަ އާމްދަނީއަށް ބަލައި މިދިޔަ އަހަރު އެސްޓީއޯއަށް ފައިދާގެ ގޮތުގައި ލިބުނީ 2.4 ބިލިއަން ރުފިޔާއެވެ. އެ ކުންފުނިން އާއްމުކުރި ރިޕޯޓުގައި ބަޔާންކޮށްފައިވާ ގޮތުން، ޓެކުހަށް ކެނޑުމަށްފަހު ކުންފުންޏަށް ސާފު ފައިދާގެ ގޮތުގައި 717 މިލިއަން ރުފިޔާ ލިބުނުއިރު ހިންގުމުގެ ފައިދާގެ ގޮތުގައި 1.1 ބިލިއަން ރުފިޔާ ވަނީ ލިބިފައެވެ. އެ ކުންފުނިން އާއްމުކުރި ރިޕޯޓުގައިވާ ގޮތުން މިދިޔަ އަހަރު ކުންފުނީގެ ހިންގުމުގެ ޚަރަދު ވަނީ 8 އިންސައްތަ ދަށްކޮށްފައެވެ.

އަދި، މިދިޔަ އަހަރު އެ ކުންފުނީގެ ހިންގުމުގެ ޚަރަދު 8 އިންސައްތަ ވަނީ ކުޑަކޮށްފައެވެ. މިދިޔަ އަހަރުގެ ތިންވަނަ ކުއާޓަރާ އަޅާބަލާއިރު ފަހު ކުއާޓަރުގައި ލިބުނު ފައިދާވެސް ވަނީ އިތުރުވެފައެވެ. އެގޮތުން ތިންވަނަ ކުއާޓަރުގައި 155 މިލިއަން ރުފިޔާގެ ފައިދާ ލިބުނުއިރު ފަހު ކުއާޓަރުގައި އެ ކުންފުންޏަށް ފައިދާގެ ގޮތުގައި 218 މިލިއަން ރުފިޔާ ލިބިފައިވެއެވެ.

މިދިޔަ އަހަރު އެސްޓީއޯގެ ޖުމްލަ އާމްދަނީއަށް އަސަރުކުރި ސަބަބުތަކުގެ ތެރޭގައި ދުނިޔޭގެ ބާޒާރުގައި ތެލުގެ އަގަށްއައި ބަދަލު ހިމެނެއެވެ. އެގޮތުން ދުނިޔޭގެ ބާޒާރުގައި ތެލަށް އައި ބަދަލާއި ގުޅިގެން، މިދިޔަ އަހަރު ތެލުގެ އަގު ތިން ފަހަރެއްގެ މަތިން ވަނީ އަގުހެޔޮކޮށްފައެވެ.  

ރާއްޖޭގައި އެންމެ ފުޅާކޮށް ވިޔަފާރީގައި ހަރަކާތްތެރިވާ އެއް ކުންފުންޏަކީ އެސްޓީއޯއެވެ. އެސްޓީއޯގެ ހިންގުން ހަރުދަނާކޮށް ކުންފުންޏަށް ލިބޭ އާމްދަނީ އިތުރުކުރުމަށް ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ.

ކިޔުންތެރިންގެ ހިޔާލު