ރައިސުލްޖުމްހޫރިއްޔާ ޑރ. މުހައްމަދު މުޢިއްޒު ވަޒީރުންގެ މަޖިލީހަށް ގެންނެވި ބަދަލުތަކުގެ ދަށުން އަލަށް މަގާމުތަކަށް އައްޔަނުކުރެވުނު ހަތަރު ވަޒީރުންނަށް ވެސް ރުހުން ދިނުމަށް ރައްޔިތުންގެ މަޖިލީހުން މިއަދު ފާސްކޮށްފި އެވެ.

އެ މައްސަލަ ދިރާސާކުރި ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީގެ ނިންމުމާ އެއްގޮތަށް އެ ހަތަރު ބޭފުޅުންނަށް ރުހުން ދިނުމަށް ފާސްކުރީ ދައުރުން ބޭރުން މިއަދު ބޭއްވި ރައްޔިތުންގެ މަޖިލީހުގެ ޖަލްސާގަ އެވެ.

މިދިޔަ ޑިސެމްބަރު މަހު އަލަށް މަގާމުތަކަށް އައްޔަނުކުރެވުނު ބޭފުޅުންނާއި މަޖިލީހުން ދެއްވި ވޯޓު:

މި ބަދަލުތަކާ އެކު، ކުރިން ބޯހިޔާވަހިކަމާއި ޕްލޭނިންގެ މެންޑޭޓު އޮތް މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓް ވަނީ އުވާލައްވައިފައެވެ. ޕްލޭނިންގެ މެންޑޭޓު ފިނޭންސް މިނިސްޓްރީގެ ދަށަށް ބަދަލުކުރައްވާފައިވާއިރު ބޯހިޔާވަހިކަމުގެ މެންޑޭޓު މިހާރު އޮންނަނީ ކޮންސްޓްރަކްޝަން މިނިސްޓްރީއަށެވެ