މި މަހުގެ ތިންވަނަ ދުވަހު ރާއްޖެއަށް ކުރި ވިއްސާރާގައި މާލެއަށް 161.9 މިލިމީޓާރުގެ ވާރޭވެހުނު ކަމަށާއި އެއީ 24 ގަޑިއިރު ތެރޭ މާލެއަށް މިހާ ބޯކޮށް ވާރޭވެހުމުގެ ރެކޯޑެއް ކަމަށް ނެޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްޑީއޭ) އިން ވިދާޅުވެއްޖެއެވެ.

ނެޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްޑީއޭ) ވަނީ މިދިޔަ ހުކުރު ދުވަހު ރާއްޖެއާއި މާލެއަާށް ކުރި ވިއްސާރާގެ އަދާހަމަ ހިއްސާކޮށްފައެވެ. 

އެ އެތޯރިޓީން ހާމަކުރެއްވި ގޮތުގައި މި މަހުގެ ތިންވަނަ ދުވަހުގެ 15:00 އިން 18:00 އާ ހަމައަށް ތިން ގަޑިއިރު ތެރޭގައި މާލެއަށް 109.8 މިލިމީޓަރުގެ ވާރޭވެހިފައިވާ ކަމަށް ވަނީ ވިދާޅުވެފައެވެ. އެއީ ވެސް ރެކޯޑެއް ކަމަށް އެ އޮތޯރިޓީން ވިދާޅުވެފައެވެ.

މީގެ އިތުރުން، ރާއްޖޭގެ އެކި ސަރަހައްދުތަކަށް މިދިޔަ ހުކުރު ދުވަހު ކުރި ބޯ ވިއްސާރާގައި ހަމައެކަނި މާލޭގެ ގެތެކަށް ލިބުނު ގެއްލުމުގެ އަދަދު 2.2 މިލިއަން ރުފިޔާއަށް އަރާ ކަމަށް ނޭޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ) ވަނީ ވިދާޅުވެފައެވެ.

ފެންބޮޑުވުމުގެ ހާދިސާއަށް އިޖާބަދިނުމުގެ ގޮތުން މާލެ ސިޓީ ކައުންސިލުން 20,000 ގޯނި ވެލި ބަސްތާ ފޯރުކޮށްދެއްވި ކަމަށާއި ފެންބޮޑުވެގެން އެކިއެކި އެހީތެރިކަމަށް އެދި 740 އަށްވުރެ ގިނަ ތަނަކުން ރިޕޯޓްކުރި ކަމަށް އެ އޮތޯރިޓީން ވިދާޅުވިއެވެ. އޭގެ ތެރޭގައި ގޭގެ އާއި އެކިއެކި ވިޔަފާރިތަކާއި ސްކޫލްތަކާއި ގުދަންތައް ހިމެނެއެވެ.

ފެންބޮޑުވުމާއި ގުޅިގެން ހިފާގެންގުޅޭ ތަކެއްޗާއި އިމާރާތަކަށް އެކުވަރުގެ ގެއްލުން ލިބިގެން ޑެމޭޖް އެސެސްމަންޓް ހަދަންޖެހޭ ކަމަށް މާލެއިން 145 ގޭބީސީއެއް ފާހަގަކުރެވުނު ކަމަށް ވެސް އެ އޮތީރިޓީން ވިދާޅުވިއެވެ.

އޭގެ ތެރެއިން 115 ގެއެއްގެ އެސެސްމަންޓް މިހާރު ވަނީ އެއްކޮށް ހަދާ ނިމިފައި ކަމަށާއި 13 ގެއަކުން އެސެސްމަންޓް ހަދަން ބޭނުންނުވާ ކަމަށް އަންގާފައިވާ ކަމަށް އެންޑީއެމްއޭ އިން ވިދާޅުވެފައިވެއެވެ. އަދި ވެރިފަރާތަށް ނުގުޅިގެންނާއި ގެއަށް ނުވަދެވިގެންނާއި އަދިވެސް އިތުރު ސަބަބުތަކާއި ހެދި އެސެސްމަންޓް ހަދަންޖެހޭ ތަނަށް ނުވަދެވުމުގެ ސަބަބުން 17 ތަނެއްގެ އެސެސްމެންޓް ނެހެދޭ ކަމަށް އެންޑީއެމްއޭ އިން ވިދާޅުވެފައި ވެއެވެ.

އެންޑީއެންއޭއިން ހެދި އެސެސްމެންޓުން ފާހަގަކޮށްފައިވާ ކަންތައްތަކުގެ ތެރޭގައި، 

މީގެ އިތުރުން މިދިޔަ މަހުގެ 31 ވަނަ ދުވަހު މާލެއަށް ކުރި ވިއްސާރައިގައި ވެސް 11 ގެއަކުން 46 މީހަކަށް ވަގުތީ ބޯހިޔާވަހިކަން ފޯރުކޮށްދިނެވެ.

މިއީ މިހާތަނަށް ހިންގުނު އެންމެ ބޮޑު އޮޕަރޭޝަންކަން ފާހަގަކޮށް އެންޑީއެމްއޭއިން ވިދާޅުވީ، މި ހާދިސާގައި ގެއްލުން ލިބުނު މާލޭގެ ގެތަކުގެ އިތުރުން އަތޮޅުތަކުގެ ގެތަކަށް އެހީ ފޯރުކޯށްދިނުމުގެ މަސައްކަތް އެ އޮތޯރިޓީން ކުރަމުންދާ ކަމަށެވެ.