މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕަނީ (އެމްޓީސީސީ) އިން ރަށްރަށުގައި ކުރިއަށްގެންދާ ހުރިހާ މަޝްރޫޢުތަކުގެ އަދާހަމަ ވަގުތުން ބަލާލެވޭގޮތަށް ޕްރޮޖެކްޓް ޑޭޝްބޯޑެއް އެ ކުންފުނިން ތަޢާރަފްކޮށްފިއެވެ. 

އެމްޓީސީސީ އިން ބުނީ މަޝްރޫޢުތަކުގެ އަދާހަމަ ނުލިބިގެން ގިނަ ޝާކުވާތަކެއް އަންނަކަމަށާއި، މި މައްސަލައަށް ހައްލެއްގެ ގޮތުން ތަޢާރަފް ކުރި މި ޑޭޝްބޯޑު ފީޗާއާ އެކު، އަތޮޅުތެރޭގައި އެމްޓީސީސީން ހިންގާ ޕްރޮޖެކްޓުތަކާއި ޕްރޮޖެކްޓުތައް ކުރިއަށް ގޮސްފައި ހުރި މިންވަރު އަދި ހުއްޓިފައި ހުރި ޕްރޮޖެކްޓުތަކުގެ މަޢުލޫމާތު ވެސް ފެންނާނެ ކަމަށެވެ.

މި ޕްރޮޖެކްޓް ޑޭޝްބޯޑް ބޭނުންކުރާނެ ގޮތް އެމްޓީސީސީން ވަނީ އެކްސްގައި ހިއްސާކޮށްފައެވެ.