ސެންޓަރ ފޯ ހަޔަރ އެޑިއުކޭޝަނުން (ސީ.އެޗް.އެސް.ސީ) އިން އިސްލާމީ ކަންތައްތަކާ ބެހޭ ވުޒާރާއާ ބައްދަލުކުރައްވައިފިއެވެ.

ހޯމަ ދުވަހު ކުރިއަށް ދިޔަ މި ބައްދަލުކުރެއްވުމުގައި އިސްލާމީ ކަންތައްތަކާ ބެހޭ ވުޒާރާގެ ފަރާތުން އިސްކޮށް ބައިވެރިވެވަޑައިގެންނެވީ ސްޓޭޓް މިނިސްޓަރު ޑރ. މުޙައްމަދު ޝުޖާޢު ޢަބްދުލްޙަކީމްއެވެ. މީގެ އިތުރުން އެ ވުޒާރާގެ ބައެއް އިސްވެރިންނާއި އެ ސްކޫލްގެ އިސްވެރިން ވަނީ މި ބައްދަލުވުމުގައި ބައިވެރިވެލައްވާފައެވެ.

މި ބައްދަލުވުމުގައި މަޝްވަރާ ކުރައްވާފައިވަނީ، އެ ސްކޫލްގެ ދަރިވަރުންނަށް ދީނީ، ޢިލްމީ މަޢުލޫމާތު ދިނުމުގެ ޕްރޮގުރާމްތައް ކުރިއަށް ގެންދިއުމާއި ގުޅޭގޮތުންނެވެ.

އިސްލާމީ ކަންތައްތަކާ ބެހޭ ވުޒާރާއިން އަންނަނީ ސްކޫލްތަކުގެ ދަރިވަރުންނާއި، ބެލެނިވެރިން އަދި މުދައްރިސުންނަށް ހާއްސަކޮށްގެން ދީނީ ހޭލުންތެރިކުރުމުގެ ތަފާތު ޕްރޮގުރާމްތައް ކުރިއަށް ގެންދަމުންނެވެ.