ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ. 

އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ހިއްސާކުރެއްވި މެސެޖެއްގައި ވިދާޅުވީ ސައުދީ އަރަބިއްޔާގެ ސަރުކާރުން ކޮންމެ އަހަރެއްގެ ރަމަޟާން މަހަށް ހަދިޔާކުރާ 50 ޓަނުގެ ކަދުރު ރާއްޖެއަށް ލިބިފައިވާ ކަމަށެވެ.

ވަޒީރު ޝަހީމް ހިއްސާކުރެއްވި މެސެޖުގައި ވިދާޅުވެފައި ވަނީ ރޯދަމަހުގެ ކުރީން ކަދުރު ބަހައި ނިންމަވާނެ ކަމަށެވެ.

ވަޒީރު ވިދާޅުވީ މި ފަހަރު ކަދުރު ބެހުމުގައި މިސްކިތްތަކުގައި ރޯދަ ވީއްލުމުގެ ޕްރޮގްރާމްތައް ހިންގަން ބޭނުންވާ ޖަމިއްޔާތަކަށް ކަދުރުން ބައެއް ދެއްވާނެ ކަމަށެވެ.