ސެންޓަރ ފޮރ ހަޔަރ ސެކަންޑަރީ އެޑިޔުކޭޝަން (ސީއެޗްއެސްސީ) މާލެ ރަސްމީކޮށް ހުޅުވުމުގެ ރަސްމިއްޔާތު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝަރަފްވެރިކޮށްދެއްވައިފިއެވެ.

ސީއެޗްއެސްސީގެ ޕްރިންސިޕަލް އަލްފާޟިލް އަބްދުﷲ ދީދީ ވިދާޅުވި ގޮތުގައި، ސީއެޗްއެސްސީއަކީ ދިވެހިރާއްޖޭގެ ތަޢުލީމީ ދާއިރާގައި ފާހަގަކޮށްލެވޭ މުހިންމު މަރުކަޒެކެވެ. ޤައުމީ ފެންވަރުގައި ނަން ހިމެނޭ ގިނަ ބޭފުޅުން، އޭގެ ތެރޭގައި ރައީސުންނާއި މިނިސްޓަރުން ހިމެނޭ ގޮތަށް، ކިޔަވާ ވިދާޅުވެފައިވަނީ ސީއެޗްއެސްސީންނެވެ.

މާލޭގެ ތޮއްޖެހުމުގެ ސަބަބުން ސީއެޗްއެސްސީ އެހެން ދިމާލަކަށް ބަދަލުކުރަން ނިންމުމާ ގުޅިގެން، ގިނަ ބެލެނިވެރިންނާއި ދަރިވަރުން ކަންބޮޑުވުން ފާޅުކުރިއެވެ. މި ކަންބޮޑުވުންތަކަށް އިޖާބަދެއްވައި، ރައީސް ޑރ. މުޢިއްޒު އެ ކަންކަމަށް ރިޢާޔަތްކުރެއްވިކަން ފާހަގަކުރެއްވިއެވެ. 

ސީއެޗްއެސްސީ - ހުޅުމާލޭގައި މިހާރުވެސް ކިިޔަވަމުން އެބަ ގެންދެއެވެ. 

މިއަދު ސީއެޗްއެސްސީ މާލޭގައި ހުޅުވުމާ ގުޅިގެން، މާލެއިން ދަތުރުފަތުރު ކުރަންޖެހޭ ދަރިވަރުންނަށް ލިބުނީ ހިތްހަމަޖެހުމާއި އުފާވެރިކަމެކެވެ. މިހާރު 423 އެއްހާ ދަރިވަރުން ސީއެޗްއެސްސީގައި ތަޢުލީމު ހާސިލުކުރަމުންދެއެވެ.

މި ކަމަށްޓަކައި ދަރިވަރުންނާއި ބެލެނިވެރިންނާއި ސްކޫލުގެ ފަރާތުން ރައީސަށް ޝުކުރު އަދާކޮށް މަރުޙަބާ ދެންނެވިއެވެ. ރައީސް މި ކަން ކުރެއްވުމުގައި އަމިއްލަފުޅަށް ވަޑައިގެން، މިނިސްޓަރާ ގުޅިގެން އަވަސް މުއްދަތެއްގެ ތެރޭގައި މިކަން ނިންމަވައިދެއްވުމަކީވެސް އެކަމަށް ރައީސް ދެއްވި މުހިއްމު އަހައްމިއްޔުކަން ޕްރިންސިޕަލްގެ ވާހަކައިގައި ފާހަގަކުރެއްވިއެވެ. 

ސަރުކާރުން ކުރެއްވި ބޮޑު އިންވެސްޓްމަންޓާއި، މިނިސްޓަރާއި މިނިސްޓްރީގެ ވެރިން ކޮށްދެއްވި މަސައްކަތަށް ދަރިވަރުންނާއި ހުރިހާ އެންމެންގެ ނަމުގައި ޕްރިންސިޕަލް ވަނީ ޝުކުރު އަދާކުރައްވާފައެވެ.