ENGLISH

04 އޭޕްރީލު 2025

Advertisement

ބީއެމްއެލްގެ ކާޑުން ވިޔަފާރިކޮށްގެން މި މަހު 100،000 ރުފިޔާ ލިބޭ ޕްރޮމޯޝަނެއް ފަށައިފި

02 ޖެނުއަރީ 2025

|

އަހުމަދު ސައީދު

ބޭންކް އޮފް މޯލްޑިވްސް (ބީއެމްއެލް) އިން. ކަސްޓަމަރުންނަށް ދޫކުރާ ކާޑުގެ ބައެއް ޑިޒައިންތައް: ކާޑުން ކުރާ ވިޔަފާރިއަށް ފައިސާގެ އިނާމު ލިބޭ ޕްރޮމޯޝަނެއް ބީއެމްއެލްއިން ވަނީ ފަށާފައި.

ބޭންކް އޮފް މޯލްޑިވްސް (ބީއެމްއެލް) ގެ ކާޑުން ވިޔަފާރިކޮށްގެން މިމަހު 100،000 ރުފިޔާ ލިބޭ ޕްރޮމޯޝަނެއް ފަށައިފިއެވެ. 

އެންމެ ގިނަ ދިވެހިން ޚިދުމްތަ ހޯދާ ބޭންކުން މިއަދު ނެރުނު ނޫސްބަޔާނެއްގައި ވިދާޅުވެފައިވާ ގޮތުގައި މި މަހުގެ ތެރޭގައި ބީއެމްއެލްގެ ކްރެޑިޓް އަދި ޑެބިޓް ކާޑުން، 200 ރުފިޔާއަށް ވުރެ މަތިން ކުރާ ކޮންމެ ވިޔަފާރިއެއް މި ޕްރޮމޯޝަނުގެ ގުރުއަތުގައި ހިމަނާނެއެވެ. މި ޕްރޮމޯޝަނުގައި ދޭ ބޮޑު އިނާމުގެ އިތުރުން ކޮންމެ ދުވަހަކު ގުރުއަތުން ހޮވޭ ފަސް މީހަކަށް 1،000 ރުފިޔާ ލިބޭނެއެވެ.

ބީއެމްއެލްއިން ވިދާޅުވީ ކޮންމެ ދުވަހަކު ގުރުއަތުން ހޮވޭ ކަސްޓަމަރުންގެ ތަފްސީލު ބީއެމްއެލްގެ ވެބްސައިޓުގައި ޝާއިއިއުކޮށް ކަސްޓަމަރުންނަށް އަންގާނެ ކަމަށެވެ.

އަށްހާހަށް ވުރެ ގިނަ މަރޗެންޓުންނާ އެކު ބީއެމްއެލް އަކީ ރާއްޖޭގައި އެންމެ ފުޅާދާއިރާއެއްގައި ކާޑު ދޫކުރުމާއި ކާޑުގެ ޚިދުމަތް ދޭ ބޭންކެވެ. ދުނިޔޭގެ އެކިކަންކޮޅުތަކުގައި ވެސް ބީއެމްއެލް ކާޑު ބޭނުން ކުރެވެއެވެ. ބީއެމްއެލް ކާޑު ބޭނުންކުރާ ކަސްޓަމަރުންނަށް، ބޭންކުގެ ޕާޓްނަރ މަރޗެންޓުން ދެމުންދާ ޑިސްކައުންޓް ދެއެވެ. އަދި އެމެރިކަންއެކްސްޕްރެސް (އެމެކްސް) ކްރެޑިޓް ކާޑު މެންބަރުންނަށް އީޒީޕޭ އިންސްޓޯލްމެންޓް ޕްލޭންގެ ފަސޭހަވެސް ލިބެއެވެ. މީގެ އިތުރުން ކްރެޑިޓް ކާޑުތަކުން ކުރާ ވިޔަފާރިތަކަށް ރިވޯޑް ޕޮއިންޓް ލިބުން ފަދަ ޚާއްސަ ފައިދާތައް ހުރެއެވެ. ބީއެމްއެލް ރިވޯޑްސް ޕޮއިންޓް ބޭނުންކޮށްގެން އެއާލައިނުން ޓިކެޓު ނެގުމާއި ހޮޓާ ބުކް ކުރުމާއި ކާރު ކުއްޔަށް ނެގުމާއި މަޝްހޫރު ބްރޭންޑްތަކުގެ ގިފްޓް ކާޑާއި ރާއްޖޭގެ ބައެއް ވިޔަފާރިތަކުގެ ވައުޗަރ ވެސް ލިބެއެވެ.

ބީއެމްއެލްގެ މޮބައިލް ބޭންކިންގ އެޕް ނުވަތަ އިންޓަނެޓް ބޭންކިންގ މެދުވެރިކޮށް ކަސްޓަމަރުންނަށް ކާޑަށް އެދި ހުށަހެޅެއެވެ. 

ކިޔުންތެރިންގެ ހިޔާލު