ވައްކަމާއި، ޚިޔާނާތާއި މަސްތުވާކެތީގެ މައްސަލަތައް މިދިޔަ އަހަރު ދަށަށް ދިޔަކަމަށް ފުލުހުންގެ ތަފާސް ހިސާބުތަކުން ދައްކައިފިއެވެ.

2023 ވަނަ އަހަރު 3817 ވަށްކަން ރިޕޯޓް ކުރެވިފައިވާއިރު، 2024 ވަނަ އަހަރު މި އަދަދު 3751 އަށް ވަނީ ދަށަށް ގޮސްފައެވެ. މީގެ އިތުރުން، ޚިޔާނާތުގެ މައްސަލަތަކާއި ގުޅިގެން ކުރެވުނު ރިޕޯޓްތައް ވަނީ 758 އިން 654 އަށް ދަށްވެފައެވެ. އަދި ޑްރަގްސްގެ މައްސަލަތައް ވަނީ 1752 އިން 1662 އަށް ދަށްވެފައެވެ.

ނަމަވެސް، ޓްރެފިކް އެކްސިޑެންޓްތައް ރިޕޯޓް ކުރެވުނު އަދަދު ވަނީ 2300 އިން 2867 އަށް އިތުރުވެފައެވެ.

2024 ވަނަ އަހަރު ރިޕޯޓް ކުރެވުނު އިތުރު ކުށްތަކުގެ ތެރޭގައި،

ގެވެށި އަނިޔާ - 248 މައްސަލަ

ފޭރުން - 504 މައްސަލަ

ގެއްލުނު ތަކެތި - 1028 މައްސަލަ

ޖިންސީ ކުށްތައް - 316 މައްސަލަ

މާރާމާރީ ހިންގުން - 711

ޗެކް ބައުންސް - 7 މައްސަލަ

ވޭންޑަލިޒަމް - 665 މައްސަލަ

ކައުންޓަރފިޓް އަދި ފޯރޖަރީ - 166 މައްސަލަ

ކުށްތައް މަދުކުރުމުގެ ގޮތުން ފުލުހުން ދަނީ ތަފާތު ހަރަކާތްތައް ހިންގަމުންނެވެ. މި ގޮތުން ރާއްޖޭގެ އެކި ކަންކޮޅުތަކުގައި ހޭލުންތެރިކަމުގެ ޕްރޮގްރާމްތައް ކުރިއަށް ގެންދެއެވެ. އަދި އަތޮޅުތަކުގެ ޕޮލިސް ސްޓޭޝަންތަކުން ކައުންސިލްތަކާ ގުޅިގެން ދަނީ ތަފާތު މަސައްކަތްތައް ވެސް ކުރަމުންނެވެ.