ENGLISH
04 އޭޕްރީލު 2025
މިއަދުން ފެށިގެން ބޭރު ފައިސާއިން ލިބޭ އާމްދަނީގެ ބައެއް ބޭންކުތަކަށް މާރުކުރަން ޖެހޭނެ
01 ޖެނުއަރީ 2025
|
ރާއްޖޭގެ މަރުކަރީ ބެންކު މޯލްޑިވްސް މަނިޓަރީ އޮތޯރިޓޯ (އެމްއެމްއޭ).
އެންމެ މަޤްބޫލު
މިއަދު އަމަލުކުރަން ފެށި ބޭރު ފައިސާއާ ބެހޭ ޤާނޫނުގައިވާ ގޮތުގެ މަތިން މިއަދުން ފެށިގެން ބޭރު ފައިސާ އިން ލިބޭ އާމްދަނީ އެއްކޮށް ބޭންކުތަކަށް ޖަމާކޮށް އަދި ޤާނޫނުގައި ކަނޑައަޅާފައިވާ ވަކި މިންވަރެއް ބޭންކަށް މާރުކުރުން ލާޒިމުވާނެއެވެ.
މިދިޔަ އަހަރުގެ ޑިސެމްބަރ 14 ވަނަ ދުވަހު ގެޒެޓްގައި ޝާއިއުކުރި "ބޭރު ފައިސާއާބެހޭ ޤާނޫނުގައި ބުނެފައިވާ ގޮތުގައި އެ ގާނޫނަށް އަމަލުކުރަން ފަށާނީ 1 ޖެނުއަރީ 2025 ވަނަ ދުވަހުން ފެށިގެންނެވެ.
ބޭރު ފައިސާއާ ބެހޭ ގާނޫނު އޮތް ގޮތުން "ކެޓެގަރީ އޭ" ގައި ހިމެނޭ ރިސޯޓުތަކަށް އަންނަ ކޮންމެ ޓޫރިސްޓެއްގެ ބޮލަކަށް 500 ޑޮލަރު ނުވަތަ މީލާދީ މަހެއްގެ ތެރޭގައި ލިބޭ އާމްދަނީގެ 20 ޕަސެންޓު މާރުކުރަން މަޖުބޫރެވެ.
އަދި "ކެޓެގަރީ ބީ" ގައި ހިމެނޭ ސަފާރީތަކާއި ގެސްޓުހައުސްތަކާއި ހޮޓާތަކަށް އަންނަ ކޮންމެ ޓޫރިސްޓެއްގެ ބޮލަކަށް 25 ޑޮލަރު ނުވަތަ މީލާދީ މަހެއްގެ ތެރޭގައި ލިބޭ އާމްދަނީގެ 20 ޕަސެންޓު މާރުކުރަން ޖެހެ އެވެ.
ޓޫރިޒަމް ނޫން ވިޔަފާރިތަކުގެ ތެރެއިން ބޭރު ފައިސާ ޖަމާކުރުމާއި މާރުކުރުން މަޖުބޫރު ވަނީ އަހަރެއްގެ ތެރޭގައި 15 މިލިއަން ޑޮލަރަށް ވުރެ މަތިން އާމްދަނީ ލިބޭ ވިޔަފާރިތަކަށް އެކަންޏެވެ.
ބޭރު ފައިސާއާބެހޭ ޤާނޫނުގެ ހަތްވަނަ މާއްދާގައި ބުނެފައިވާ ގޮތުގައި އެ ޤާނޫނުގައި ބަޔާންކޮށްފައިވާ ފަރާތްތަކަށް ލިބޭ އާމްދަނީ، އެ މަހަށްފަހު ހިނގާ ތިންވަނަ މަހުގެ 28 ވަނަ ދުވަހުގެ ކުރިން ބޭންކަށް ޖަމާކުރަންވާނެއެވެ. ބޭރު ފައިސާ މާރުކުރަން ޖެހެނީ ވެސް، އެ މަހަށްފަހު ހިނގާ ތިންވަނަ މަހުގެ 28 ވަނަ ދުވަހުގެ ކުރިންނެވެ.
ބޭރު ފައިސާއާބެހޭ ޤާނޫނުގައި ބުނެފައިވާ ގޮތުގައި ޤާނޫނެއްގައި އެހެން ގޮތަކަށް ބަޔާންކޮށްފައިނުވާ ހިނދަކު ރާއްޖޭގައި ކުރެވޭ އެންމެހާ މަނިޓަރީ އިލްތިޒާމްތައް ނުވަތަ މުޢާމަލާތްތައް ހުށަހަޅާންވާނީ އަދި އަދާކުރަންވާނީ ރުފިޔާއިންނެވެ. އަދި އެ ޤާނޫނުގައި ބުނެފައިވާ ގޮތުގައި ރާއްޖޭގައި ދިވެއްސަކު ގަންނަ މުދަލާއި ޚިދުމަތުގެ އަގު ބޭރު ފައިސާއިން އަދާކުރުމަށް ލާޒިމެއް ނުކުރެވޭނެއެވެ.