މެލޭޝިއާގައި ދިރިއުޅޭ ދިވެހިންގެ ވިސާގެ ކަންކަން ހަރުދަނާ ކުރުމާ ގުޅޭ ގޮތުން މަޝްވަރާކޮށްފިއެވެ. 

މި މަޝްވަރާތައް ކުރިއަށް ގެންދިޔައީ މެލޭޝިއާގައި ހުންނަ ދިވެހިރާއްޖޭގޭ ހައިކޮމިޝަންގެ ޑެޕިއުޓީ ހައިކޮމިޝަނަރ އިބްރާހިމް ޝާޒް ހަބީބް މެލޭޝިއާގެ ވަންގްސަ މާޖޫ އިމިގްރޭޝަންގެ އިސްވެރިންނާ ބައްދަލުކުރައްވައި ދެއްކެވި ވާހަކަތަކުގައެވެ. 

މި ބައްދަލުކުރެއްވުމުގައި މެލޭޝިއާގައި ދިރިއުޅެމުންދާ ދިވެހި ކިޔަވާ ކުދިންނާއި ބެލެނިވެރިންނަށް ބޭނުންވާ ވިސާގެ ގެ ކަންކަން ހަރުދަނާކުރެވިދާނެ ގޮތްތަކާ މެދު މަޝްވަރާކުރެވިފައިވެއެވެ.

އަދި ވިސާގެ ކަންކަމުގައި އިމިގްރޭޝަންގެ މަސައްކަތްތަކަށް ހައިކޮމިޝަންގެ ފަރާތުން އެއްބާރުލުން ދެވިދާނެ ގޮތްތަކާ މެދުވެސް މަޝްވަރާކުރެވިފައިވެއެވެ.