ޢާންމު ބޭނުންތަކުގެ ޚިދުމަތް ދިނުމުގެ ދާއިމީ ލައިސެންސް ދޫކުރަން، ޔޫޓިލިޓީ ރެގިއުލޭޓަރީ އޮތޯރިޓީ، (ޔޫއާރުއޭ)އިން ފަށައިފިއެވެ.

މިއީ ވިޔަފާރީގެ އުސޫލުން ދޭ ފެނާއި ނަރުދަމާ އާއި ކަރަންޓާއި ކުނި މެނޭޖްކުރުމުގެ ޚިދުމަތްތައް އާންމުންނަށް ދިނުމަށްޓަކައި ދޫކުރާ ލައިސެންސެކެވެ.

ޔުޓިލިޓީ ރެގިއުލޭޓަރީ އޮތޯރިޓީގެ ޤާނޫނުގެ ދަށުން ޢާންމު ބޭނުންތަކުގެ ޚިދުމަތްދިނުމުގެ ދާއިމީ ލައިސެންސް މިހާރު ދޫކުރަން ފަށައިފައިވާ ކަމަށާއި މީގެ ކުރިން އެ އޮތޯރިޓީން ދޫކުރަމުން އައީ ވަގުތީ ހިންގުމުގެ ލައިސެންސެއް ކަމަށް އެ އޮތޯރިޓީއިން ވަނީ ހާމަކުރައްވައިފައެވެ. އަދި މިފަދަ ލައިސެންސެއް ނެތި ޚިދުމަތް ދިނުމަކީ ޔޫއާރުއޭގެ ޤާނޫނުގެ ދަށުން މަނާކަމެއް ކަމަށް ވެސް އެއޮތޯރިޓީއިން ވަނީ ހަނދާންކޮށްދީފައެވެ.