‏މޯލްޑިވްސް ހައްޖު ކޯޕަރޭޝަން ލިމިޑެޓްގެ ބޯޑް މެމްބަރުކަމާއި މެނޭޖިންގ ޑިރެކްޓަރުކަމުގެ މަޤާމަށް، ބޭފުޅަކު ހަމަޖައްސަވައިފި އެވެ.

ޕީސީބީން ދެންމެ ބުނީ އެ މަޤާމަށް ދ. ކުޑަހުވަދޫ ޝަބްނަމީގެ، އަލްއުސްތާޛް މުޙައްމަދު ފިރުޒުލް ޢަބްދުﷲ ޚަލީލް އައްޔަނުކޮށްފައިވާ ކަމަށެވެ.

ފިރުޒުލް އެ މަޤާމަށް އައްޔަނުކުރީ މިއަދުން ފެށިގެންނެވެ.

މޯލްޑިވްސް ހައްޖު ކޯޕަރޭޝަންގެ އެމްޑީގެ މަޤާމުގައި ކުރީން ހުންނެވީ މުޙައްމަދު ޝަކީލް އެވެ. ޝަކީލް އެ މަޤާމުން އިސްތިއުފާ ދެއްވީ އީސީއަށް އައްޔަނުކުރެއްވުމުންނެވެ.