14 އަހަރުން ދަށުގެ ސްކޫލުތަކަށް ބޭއްވި "ރާއްޖެ ޖޫނިއަރ ފުޓްބޯލް ޗެމްޕިއަންޝިޕް 2026" ގެ ފައިނަލުގައި ތާޖުއްދީން ސްކޫލް ބަލިކޮށް، ކަލާފާން ސްކޫލުން އެ މުބާރާތުގެ ޗެމްޕިއަންކަން ހޯދައިފިއެވެ. މި މެޗުން ކަލާފާން ސްކޫލް މޮޅުވީ 5-1 ގެ ނަތީޖާއަކުންނެވެ.

މާފަންނު ޓާފް އެއް ނަންބަރު ދަނޑުގައި އިއްޔެ ހަވީރު ކުޅުނު މެޗުގައި ކަލާފާން ސްކޫލުގެ ޒުލްކިފް ބިން މުޙައްމަދު ވަނީ ހެޓްރިކެއް ހަދާފައެވެ. ދެން އެ ޓީމުގެ ލަނޑުތައް ޖަހައިދިނީ ޒެކް ޒެވީލް އާއި މުޙައްމަދު އަކްޔާނެވެ. މި މެޗުގައި ތާޖުއްދީން ސްކޫލުން ކާމިޔާބުކުރި ހަމައެކަނި ލަނޑު ޖަހައިދިނީ މުޙައްމަދު އަލްވިންއެވެ.

މިދިޔަ މެއި މަހުގެ 13 އިން މި މަހުގެ 12 އަށް މި މުބާރާތް ކުރިއަށްގެންދިޔައީ ބައިވެރިވި 24 ސްކޫލެއް 8 ގްރޫޕަށް ބަހާލައިގެންނެވެ. 14 އަހަރުން ދަށުގެ ޗެމްޕިއަންކަން ކަލާފާން ސްކޫލުން ހޯދިއިރު، 17 އަހަރުން ދަށުގެ ރާއްޖެ ޖޫނިއަރ ފުޓްބޯޅަ މުބާރާތުގެ ޗެމްޕިއަންކަން ހޯދާފައިވަނީ ކ. މާފުށި ސްކޫލުންނެވެ.