ފަލަސްތީނަށް އިންސާނީ އެހީތެރިކަން ފޯރުކޮށްދިނުމާ ގުޅޭ ގޮތުން އިސްރާއީލުން އަދާކުރަންޖެހޭ މަސްއޫލިއްޔަތުތަކާ ބެހޭ ގޮތުން ބައިނަލްއަގުވާމީ ކޯޓް އޮފް ޖަސްޓިސް (އައިސީޖޭ) ގެ އެޑްވައިޒަރީ އޮޕީނިއަންއަކަށް އެދި އދ.ގެ އާންމު މަޖިލީހުން ފާސްކުރި ގަރާރަށް ރާއްޖެއިން މަރުހަބާ ކިޔައިފިއެވެ. 

މިދިޔަ ޑިސެމްބަރު މަހުގެ 19 ވަނަ ދުވަހު ފާސްކުރި މި ގަރާރު ފާސްކޮށްފައިވަނީ 137 މެމްބަރު ގައުމަކުން ވޯޓު ދީގެންނެވެ.

މިނިސްޓްރީ އޮފް ފޮރިން އެފެއާސް އިން ނެރުނު ނޫސްބަޔާނެއްގައި ބުނެފައިވަނީ ނޯވޭ އިސްވެ އޮވެ، ގައުމުތަކުގެ އިއްތިހާދަކުން ތާއީދުކުރާ މި ގަރާރުގައި ފަލަސްތީނުގެ ބިންތަކުގައި އދ އާއި ބައިނަލްއަގުވާމީ އިންސާނީ އެހީދޭ ޖަމާއަތްތަކާއި ތިން ވަނަ އެމެރިކާގެ ހަރަކާތްތަކާ ގުޅޭ ގޮތުން އިސްރާއީލުގެ ގާނޫނީ ވާޖިބުތައް ސާފުކޮށްދިނުމަށް އެދިފައިވާ ކަމަށެވެ. މި އިސްނެގުމުގެ ކޯ ސްޕޮންސަރެއްގެ ގޮތުގައި ދިވެހިރާއްޖެ ވަނީ ބައިވެރިވެފައެވެ.

މިއީ ފަލަސްޠީނުގެ ބިމުގައި ހިންގަމުންދާ އިންސާނީ ޙަރަކާތްތައް ޙިމާޔަތްކުރުމަށް އެޅުނު މުހިންމު ފިޔަވަޅެއްގެ ގޮތުގައި ރާއްޖެއިން ދެކެއެވެ. އަދި ވަކިން ޚާއްޞަކޮށް، އެހީތެރިކަން ފޯރުކޮށްދިނުމާއި، އެއިޑް ފޯރުކޮށްދިނުމަށް ވެސް ފަސޭހަވެގެންދާނެއެވެ. 

މި ޤަރާރަށް ބައިނަލްއަޤްވާމީ ގޮތުން އޮތް ވަރުގަދަ ތާއީދު ދައްކުވައިދެނީ އިންސާނީ އުޞޫލުތަކަށާއި ބައިނަލްއަޤްވާމީ ޤާނޫނުތަކަށް ފުޅާ ދާއިރާއެއްގައި ތާއީދުކުރާކަން ކަމަށާއި، 1967 ގެ ކުރިން އިރުމަތީ ގުދުސް އަކީ އެ ޤައުމުގެ ވެރިރަށުގެ ގޮތުގައި އޮތް ބޯޑަރުތަކުގެ މައްޗަށް ބިނާކޮށް ފަލަސްޠީނުގެ މުސްތަޤިއްލު ދައުލަތެއް ޤާއިމުކުރުމަށް ޑިޕްލޮމެޓިކް މަސައްކަތްތައް ހަރުދަނާވެގެންދާކަމަށް މިނިސްޓްރީން ވަނީ ބުނެފައެވެ.