ސ. ހިތަދޫގައި ގާއިމުކުރުމަށް ހަމަޖެހިފައިވާ ރީޖަނަލް އޮޕަރޭޝަންސް ސެންޓަރުގެ މަސައްކަތް ބާރުމިނުގައި ކުރިއަށްދާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.

އެމްޓީސީސީ އިން މި މަޝްރޫއުެ އަދާހަމަ ހިއްސާކޮށް ކުރި ޕޯސްޓުގައި ބުނީ، މިހާރު އެ މަޝްރޫއުގެ ދަށުން ކުރިއަށްދަނީ ބީމް ޝަޓަރިން އާއި ރީއިންފޯސްމަންޓް މަސައްކަތް ކަމަށެވެ.

ސަރުކާރުން އެމްޓީސީސީއާ ހަވާލުކުރެވިގެން ކުރިއަށްދާ މިމަސައްކަތުގެ ދަށުން ފުރަތަަމަ ފަންގިފިލާގެ ތަޅުމުގެ ކޮންކްރީޓް މަސައްކަތް ވެސް މިހާރު ވަނީ ފެށިފައެވެ.

ރާއްޖޭގެ އެކި ހިސާބުތަކުގައި އެމްޓީސީސީ އިން އަންނަނީ މިފަދަ ގިނަ މަޝްރޫއުތަކާއި ހަވާލުވެ މަސައްކަތް ކުރަމުންނެވެ. އޭގެތެރޭގައި ރަށްރަށުގެ ތަރައްޤީގެ ގިނަ މަޝްރޫޢުތަކެއް ހިމެނެ އެވެ.