ރާއްޖޭގެ ރައީސް ޑރ. މުހައްމަދު މުޢިއްޒުވަނީ،  އޮފިޝަލް އެކްސް އެކައުންޓުގައި ކުރެއްވި ޕޯސްޓެއް މެދުވެރިކޮށް ނަޞްރުގެ ދުވަހުގެ ތަހުނިޔާ ވިދާޅުވެއްޖެއެވެ. 

ނަޞްރުގެ ދުވަހާއި ގުޅިގެން މީސްމިޑީއާގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަނީ ނަޞްރުގެ ދުވަހާއި ގުޅިގެން އެދުވަހު ދިވެހިން ދެއްކި ހިތްވަރާ އަޒުމް ދޭހަވާ ޅެން ބައިތުތައް ހިއްސާކުރައްވާފައެވެ. ރައީސް ހިއްސާ ކުރައްވާފައިވާ ބައިތުތަކުގައި، ދިވެހި އުއްމަތުގެ ހައްޤުގައްޔާއި ދިވެހި ދިދަ ހިމާޔަތް ކުރުމަށް ދިވެހިން އަތުގުޅާލާ ނިކުތްކަން ފާހަގަކުރައްވާފައިވެއެވެ.

ރައީސްގެ އިތުރުން ނައިބު ރައީސް ހުސައިން ލަތީފާއި މަޖިލީހުގެ ރައީސް އަބްދުރަޙީމް ޢަބްދުﷲ ވެސް ވަނީ އެބޭފުޅުންގެ އެކްސް އެކައުންޓްތައް މެދުވެރިކޮށް ނަޞްރުގެ ދުވަހުގެ ތަހުނިޔާ ދަންނަވާފައެވެ.