ހދ. ކުޅުދުއްފުށިސިޓީ ގައި ދިގު ރުކަކު ވެއްޓި ވަރަށް ބޮޑަށް އަނިޔާވި ޒުވާނާ ނިޔާވެއްޖެ އެވެ.

ހދ. ނޭކުރެންދޫއަށް ނިސްބަތްވާ އުމުރުން 36 އަހަރުގެ ހުސައިން ޝިފާޒް ރުކުން ވެއްޓުނީ މި މަހުގެ 14 ވަނަ ދުވަހު އެވެ. ރުކުން ވެއްޓުނީ އެ ރުއް ސާފުކުރަން އަރާ އުޅެނިކޮށެވެ.

ރުކުން ވެއްޓި ޝިފާޒަށް ވަރަށް އަނިޔާވި އެވެ. ނިޔާވީ އިތުރު ފަރުވާއަށް މާލެ ގެނެސް އައިޖީއެމްއެޗްގައި ފަރުވާ ދެމުން ދަނިކޮށެވެ.

ޝިފާޒްގެ ޖަނާޒާ އޮންނާނީ އަސުރު ނަމާދަށް ފަހު އާސަހަރާ މިސްކިތުގަ އެވެ.