ސަރުކާރުތަކަށް ފާޑުކިޔައިގެން ދުނިޔޭގެ ގައުމުތަކުގައި ނޫސްތަަކަށް ފިޔަވަޅު އަޅާކަމަށާއި އެހެން ނަމަވެސް ރާއްޖޭގައި ފިޔަވަޅުއަޅަނީ އެފަދަ ކަމެއްގަައެއް ނޫން ކަމަށް "އެމްއެމްޓީވީ"ގެ ސީއޯއޯ މުހައްމަދު އިހުސާން ވިދާޅުވެއްޖެ އެވެ.

"އަދަދު" ނޫހުން މިދިޔަ މާޗު މަހު އާއްމުކުރި ޑޮކިއުމެންޓްރީއާ ގުޅިގެން އެ ނޫސް ހިންގާ އޮފީސް އިމާރާތް ބަލައިފާސްކުރުމުގެ މަސައްކަތް ފުލުހުން ރޭ ވަނީ ފަށާފަ އެވެ. އެއާއެކު އިދިކޮޅު ފަރާތްތަކުން ބުނަމުން އަންނަނީ ސަރުކާރުން އުޅެނީ ނޫސްވެރިކަމުގެ މިނިވަންކަމުގެ ހައްގު ނިގުޅައިގަންނަން ކަމަށެވެ. 

މިކަމަށް ރައްދު ދެއްވައި އިހުސާން ވިދާޅުވީ ދުނިޔޭގެ އެކި ކަންކޮޅުތަކުގައި، ވެރިކަންކުރާ ސަރުކާރުތަކާއި ރައީސުންނާ ގުޅޭ ރިޕޯޓުތައް ޝާއިއުކުރުމާ ގުޅިގެން، މީޑިއާ އިދާރާތަކަށް ފުލުހުން ވަދެ ފާސްކުރުމާއި، މުދާ ހިފެހެއްޓުމާއި، ނޫސްވެރިން ހައްޔަރުކުރުން ފަދަ ހާދިސާތައް ވަނީ ހިނގާފައި ކަމަށެވެ. 

މިފަދަ ބައެއް ހާދިސާތައްވެސް އިހުސާން ވަނީ އިހުސާން ވަނީ ތިލަކޮށްދެއްވާފަ އެވެ.

- ދިވެހިރާއްޖެ: 2015 ވަނަ އަހަރު، ރައީސް ޔާމީންގެ ވެރިކަމުގައި، އެމަނިކުފާނާ ގުޅޭ ކޮރަޕްޝަންގެ މައްސަލައެއް ރިޕޯޓުކުރުމާ ގުޅިގެން ފުލުހުން ވަނީ ސަންގު ޓީވީއަށް ވަދެ ފާސްކޮށްފަ އެވެ.

- ހޮންކޮންގް: 2021 ވަނަ އަހަރު، ހޮންކޮންގް އަދި ބީޖިންގްގެ ލީޑަރޝިޕަށް ފާޑުކިޔުމުގެ ސަބަބުން 'ސްޓޭންޑް ނިއުސް' ގެ ނިއުސްރޫމަށް ފުލުހުން ވަދެފައި ވެއެވެ.

- ހޮންކޮންގް: 2021 ވަނަ އަހަރު، ގައުމީ ސަލާމަތާ ގުޅުންހުރި ދޮގު ޚަބަރުތަކެއް ފެތުރިކަމުގެ ތުހުމަތުގައި 'އެޕަލް ޑެއިލީ' އަށް ފުލުހުން ވަދެ، އެ ނޫހުގެ މުދަލާއި ފައިސާ ވަނީ ހިފަހައްޓާފަ އެވެ.

- މިސްރު: 2019 ވަނަ އަހަރު، ރައީސް އަލް-ސީސީގެ އަރިސް ބޭފުޅުންނާ ގުޅޭ ދޮގު ރިޕޯޓުތަކެއް ޝާއިއުކުރި ކަމަށް ބުނެ، 'މަދާ މަސްރު' އަށް ފުލުހުން ވަދެ، އެތަނުގެ މުވައްޒަފުން ވަނީ ހައްޔަރުކޮށްފަ އެވެ.

- ރަޝިޔާ: 2022 ވަނަ އަހަރު، ކްރެމްލިންގެ ލީޑަރޝިޕާ ބެހޭގޮތުން ދޮގު މައުލޫމާތު ފެތުރި ކަމަށް ބުނެ، 'ނޮވަޔާ ގެޒެޓާ' ގެ އޮފީހަށް ފުލުހުން ވަދެ މުވައްޒަފުންނާ ސުވާލުކޮށްފައި ވެއެވެ.

- ރަޝިޔާ: 2000 އާއި 2001 އާ ދެމެދު، ރައީސް ޕޫޓިންއާ ގުޅޭ ދޮގު މައުލޫމާތު ފެތުރި ކަމަށް ބުނެ 'އެން.ޓީ.ވީ' އަށް ފުލުހުން ވަދެ، އެތަނުގެ މިލްކުވެރިކަން ވަނީ ދައުލަތުގެ ބާރުގެ ދަށަށް ގެންގޮސްފަ އެވެ.

- އިންޑިއާ: 2023 ވަނަ އަހަރު، މޯދީ ސަރުކާރަށް ފާޑުކިޔުމާއި ފަންޑިންގްއާ ގުޅޭ ތުހުމަތުތަކެއްގައި 'ނިއުސްކްލިކް' ގެ އޮފީހާއި މުވައްޒަފުންގެ ގެތައް ފާސްކޮށް، އިލެކްޓްރޯނިކް ސާމާނުތައް ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ.

- އެމެރިކާ: 2023 ވަނަ އަހަރު، ނޫސްވެރިކަމުގެ މިނިވަންކަމުގެ މައްސަލައެއްގެ ގޮތުގައި ގިނަ ބައެއްގެ ފާޑުކިޔުން އަމާޒުވި ހާދިސާއެއްގައި، 'މެރިއަން ކައުންޓީ ރެކޯޑް' ނޫހުގެ އޮފީހަށް ފުލުހުން ވަދެ ފާސްކޮށްފައި ވެއެވެ.

- އެމެރިކާ: 2026 ވަނަ އަހަރު (ލަފާކުރެވޭ ގޮތުގައި 2016 ނުވަތަ އެހެން ތާރީޚެއް)، ވޮޝިންގްޓަން ޕޯސްޓުގެ ނޫސްވެރިއެއްގެ މައްސަލައިގައި، ޓްރަމްޕްގެ ސަރުކާރާ ގުޅޭ ރިޕޯޓުތަކަކާ ގުޅިގެން ނޫސްވެރިއެއްގެ ގެ ފާސްކޮށް ތަކެތި ހިފަހައްޓާފައިވެއެވެ.

- ތުރުކީ: 2016 އާއި 2020 އާ ދެމެދު، ރައީސް އުރުދުޣާންއާ ގުޅޭ ދޮގު ޚަބަރު ފަތުރާ ކަމަށް ބުނެ ގިނަ މީޑިއާ އިދާރާތަކަކަށް ފުލުހުން ވަދެ ފިޔަވަޅު އަޅާފައި ވެއެވެ.

އިހުސާން ވިދާޅުވީ ދިވެހިރާއްޖޭގެ މިހާރުގެ ރައީސުލްޖުމްހޫރިއްޔާ، ސަރުކާރުގެ ސިޔާސަތުތަކާއި، އިދާރީ މައްސަލަތަކާއި، ސަރުކާރުގެ ހިންގުމަށް ފާޑުކިޔުމުގެ ސަބަބުން ނުވަތަ ދުވަހުން ދުވަހަށް ފަތުރާ ދޮގު ޚަބަރުތަކަކާ ގުޅިގެން ވެސް އެއްވެސް މީޑިއާ އިދާރާއަކަށް ފިޔަވަޅު އަޅުއްވާފައި  ނުވާކަމަށެވެ.

ވޭތުވެދިޔަ ދެ އަހަރު ދުވަހުގެ ތެރޭގައި، ރައީސް ޑރ. މުޙައްމަދު މުޢިއްޒު ވަނީ ނޫސް އިދާރާތަކާއި ނޫސްވެރިންނާ ގާތް ގުޅުމެއް ބާއްވަވާފައިކަމަށާއި ގިނަ ބަޔަކު ގަބޫލުކުރާ ގޮތުގައި، ރާއްޖޭގައި ނޫސްވެރިކަމުގެ މިނިވަންކަން މިހާ ފުޅާދާއިރާއެއްގައި ކުރިން ތަޖުރިބާކުރެވިފައެއް ނުވާކަމަށް ވިދާޅުވި އެވެ.

"ބައެއް މީޑިއާތަކުން ރައީސް ޑރ. މުޙައްމަދު މުޢިއްޒުއާ ދެކޮޅަށް ސީރިއަސް ތުހުމަތުތަކެއް، އޭގެ ތެރޭގައި އެމަނިކުފާނުގެ އާއިލާއާ ގުޅޭގޮތުން ދޮގުކަން ސާބިތުވެފައިވާ ވާހަކަތައް ވެސް ވަނީ ފަތުރާފައެވެ. އެންމެ ފަހުން، އެ ނޫސް އިދާރާއިން ވަނީ ރައީސް އޮފީހުގެ އަންހެން މުވައްޒަފަކާ ރައީސާ ދެމެދު ގުޅުމެއް އޮތް ކަމަށް ބުނެ ތުހުމަތުތަކެއް ކޮށްފައެވެ. މިއީ ވަގުތުން ދެއްކި ނޫސްވެރިންގެ ބައްދަލުވުމެއްގައި ރައީސް ސީދާ ދޮގުކުރައްވާފައިވާ ވާހަކަތަކެކެވެ. މިއީ ނުހަނު ސީރިއަސް ތުހުމަތުތަކެއް ނަމަވެސް، މީޑިއާއަށް ދަތިކުރުމުގެ އެއްވެސް ފިޔަވަޅެއް އެޅިފައެއް ނުވެއެވެ،". އިހުސާން ވިދާޅުވި އެެވެ. 

ނޫސްވެރިކަމުގެ މިނިވަންކަން ހިމާޔަތްކުރަން ޖެހޭނެ ކަމަށާއި ނަމަވެސް އެއީ މީހުންނަށް ގަނާކުރުމަށާއި، އަބުރު ކަތިލުމާއި، ނުވަތަ އަސާސެއް ނެތް ތުހުމަތުތަކުން މީހުންގެ ކަރާމާތަށް އުނިކަން ގެނައުމަށް ދެވޭ ހުއްދައެއްގެ ގޮތުގައި ބޭނުންކޮށްގެން ނުވާނެކަމަށް އިހުސާން ވިދާޅުވި އެވެ.

އިހުސާން ވިދާޅުވީ ހަގީގީ ނޫސްވެރިކަމުގެ މިނިވަންކަމަކީ ކަށަވަރު ކުރެވިފައިވާ ހަގީގަތްތަކާއި، ހަމަހަމަ ރިޕޯޓުކުރުމާއި، ޒިންމާދާރުކަމާއެކު އާންމުންނަށް މައުލޫމާތު ފޯރުކޮށްދިނުން ކަމަށެވެ. އަދި  ނޫސްވެރިކަމުގެ މިނިވަންކަމަކީ ހަމައެކަނި ލިބޭ ހައްގެއްގެ އިތުރުން  ތެދުވެރިކަމާއި، އިންސާފުވެރިކަމާއި، އަދި އަޚްލާގީ މިންގަނޑުތައް ހިފެހެއްޓުމުގެ ވާޖިބުވެސް އެކުލެވިގެންވާ ކަމެއްކަމަށް ވިދާޅުވި އެވެ.